അടുത്തിടെയാണ് നടൻ ആസിഫ് അലിക്ക് കാലിന് പരിക്കേൽക്കുന്നത്. ഷൂട്ടിങ് പരിശീലനം നടത്തുന്നതിനിടെ കാൽമുട്ടിനാണ് താരത്തിന് പരിക്കേറ്റത്. ഗുരുതരമായി പരിക്കേറ്റതിനെ തുടർന്ന് ഇപ്പോൾ വിശ്രമത്തിലാണ് താരം. ഇപ്പോൾ സോഷ്യൽ മീഡിയയിൽ വൈറലാവുന്നത് ഛായാഗ്രാഹകൻ ജോമോൻ ടി ജോണിന്റെ വിവാഹത്തിന് എത്തിയ ആസിഫിന്റെ ചിത്രങ്ങളാണ്.
വയ്യാത്ത കാലുമായാണ് താരം വിവാഹത്തിന് എത്തിയത്. ക്രച്ചസിന്റെ സഹായത്തോടെയാണ് ആസിഫ് വിവാഹ വേദിയിൽ എത്തിയത്. എന്നാൽ കാലിലെ പരിക്കൊന്നും താരത്തിന്റെ ആവേശം കുറച്ചില്ല. കല്യാണ ചെക്കനൊപ്പം കട്ടയ്ക്ക് ആസിഫും ടീമും ഉണ്ടായിരുന്നു. കുടുംബവും താരത്തിനൊപ്പമുണ്ടായിരുന്നു. ഗണപതി, ഷമീർ മുഹമ്മദ്, വിശാഖ് സുബ്രഹ്മണ്യം, ധ്യാൻ ശ്രീനിവാസൻ തുടങ്ങി നിരവധിപ്പേർ വിവാഹത്തിൽ പങ്കെടുക്കാൻ എത്തിയിരുന്നു.
‘ടിക്കി ടാക്ക’ എന്ന സിനിമയുടെ ഭാഗമായി നടന്ന സ്റ്റണ്ട് പരിശീലനത്തിനിടെയാണ് ആസിഫിനു പരുക്കേൽക്കുന്നത്. ഇതിന്റെ വിഡിയോയും പുറത്തുവന്നിരുന്നു. അഞ്ച് മാസത്തെ വിശ്രമമാണ് ഡോക്ടർമാർ നിർദേശിച്ചിരിക്കുന്നത്. ആക്ഷൻ പ്രാധാന്യത്തോടെ എത്തുന്ന ചിത്രം സംവിധാനം ചെയ്യുന്നത് രോഹിത്ത് വിഎസ് ആണ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ