പ്രശസ്ത ഫുഡ് വ്ളോ​ഗർ രാഹുൽ എൻ കുട്ടിയുടെ വിയോ​ഗം ആരാധകർക്ക് ഏൽപ്പിച്ച വിയോ​ഗം ചെറുതല്ല. മനോഹരമായ ചിരിയോടെ ഭക്ഷണ വിശേഷങ്ങളുമായി എത്തുന്ന ചെറുപ്പക്കാരൻ ഇനി ഇല്ല എന്ന് വിശ്വസിക്കാനാവാത്ത അവസ്ഥയിലാണ് പലരും. ഇപ്പോൾ രാഹുലിന്റെ വിയോ​ഗത്തിൽ വേദന പങ്കുവച്ച് സംവിധായകൻ അരുൺ ​ഗോപി കുറിച്ച വാക്കുകളാണ് ശ്രദ്ധനേടുന്നത്. 

സന്തോഷത്തിന്റെ മുഖാവരണം ഉള്ള, മറ്റുള്ളവർക്ക് ജീവിക്കാൻ പ്രേരിപ്പിക്കുന്ന ചുറുചുറുക്കും സ്നേഹവും പകർന്നു നല്കുന്ന ഒരാൾ, എന്നിട്ടും... ചിലപ്പോഴൊക്കെ ജീവിതം ഇങ്ങനെയുമാണ്.. മനുഷ്യർ നിസ്സാരരാണ്... കാണാത്ത മനസ്സിന്റെ നേർത്ത തോന്നലുകളിൽ ജീവിക്കാൻ ശ്രമിക്കുന്നവർ..!! ആദരാഞ്ജലികൾ സഹോദരാ!!- അരുൺ‌ ​ഗോപി കുറിച്ചു. 

ഈറ്റ് കൊച്ചി ഈറ്റ് എന്ന കൂട്ടായ്മയിലൂടെയാണ് രാഹുൽ ശ്രദ്ധിക്കപ്പെടുന്നത്. ഇന്നലെ രാത്രി കൊച്ചി മാടവനയിലെ വീടിനുള്ളിൽ തൂങ്ങി മരിച്ച നിലയിലാണ് 33കാരനായ രാഹുലിനെ കണ്ടെത്തിയത്. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കഴിഞ്ഞ ദിവസവും രാഹുലിന്റെ ഒരു വിഡിയോ എത്തിയിരുന്നു. 

ഈ വാര്‍ത്ത കൂടി വായിക്കൂ 

'കഴിഞ്ഞ രാത്രിയിൽ അസ്വസ്ഥനായിരുന്നു', ഫോൺ എടുക്കാതായപ്പോൾ സുഹൃത്തുക്കൾ വീട്ടിലെത്തി; രാഹുലിനെ കണ്ടത് തൂങ്ങി മരിച്ച നിലയിൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ