ലോകത്തെ ആരാധകരെ ഒന്നടങ്കം വേദനയിലാഴ്ത്തിക്കൊണ്ടാണ് മാത്യു പെറി വിടപറഞ്ഞത്. വീട്ടിലെ ഹോട്ട് ടബ്ബില്‍ മുങ്ങി മരിച്ച നിലയിലാണ് മാത്യുവിനെ കണ്ടത്തിയത്. സെലിബ്രിറ്റികള്‍ ഉള്‍പ്പടെ നിരവധി പേരാണ് താരത്തിന് അന്ത്യാഞ്ജലി അര്‍പ്പിച്ചത്. എന്നാല്‍ മാത്യുവിന്റെ മരണത്തില്‍ പരിഹസിച്ച കൊമേഡിയന്‍ കെവിന്‍ ബ്രെന്നന്റെ പോസ്റ്റാണ് ഇപ്പോള്‍ വൈറലാവുന്നത്.
മാത്യുവിന്റെ മരണവാര്‍ത്ത പങ്കുവച്ചുകൊണ്ടായിരുന്നു പരിഹാസം. 'ഹോട്ട് ടബ്ബില്‍ മുങ്ങി മരിച്ചു, ഹ ഹ ഹ ഹ' എന്നാണ് കുറിച്ചത്. ഇതോടെ കെവിനെ വിമര്‍ശിച്ചുകൊണ്ട് നിരവധി പേര്‍ എത്തി.
എന്നാല്‍ താന്‍ പരിഹസിച്ചതല്ല തനിക്കത് തമാശയായി തോന്നി എന്നുമാണ് ഇയാള്‍ പറഞ്ഞത്. കൂടാതെ മയക്കുമരുന്ന് അടിമ മരിക്കുന്നത് ഇഷ്ടമാണെന്നും കുറിച്ചു. ഹോട്ട് ടബ്ബില്‍ മുങ്ങി മരിക്കുന്നത് തമാശയാകുന്നത് എങ്ങനെയാണ് എന്ന ഒരാളുടെ ചോദ്യത്തിന് ഹോട്ട് ടബ്ബിന് ആഴമില്ല എന്നായിരുന്നു മറുപടി. രൂക്ഷ വിമര്‍ശനമാണ് ലോകമെമ്പാടുമുള്ള ഫ്രണ്ട്‌സ് ആരാധകരില്‍ നിന്ന് ഉയരുന്നത്.
സിറ്റ് കോം ആയ ഫ്രണ്ട്‌സിലെ ചാന്‍ഡ്‌ലര്‍ ബിങ് എന്ന കഥാപാത്രത്തിലൂടെ മാത്യു ശ്രദ്ധനേടുന്നത്. പത്ത് വര്‍ഷം നീണ്ടു നിന്ന സീരീസിലൂടെ ലോകശ്രദ്ധനേടുകയായിരുന്നു. വര്‍ഷങ്ങളോളം മയക്കുമരുന്നിനും മദ്യപാനത്തിനും അടിമയായിരുന്നു മാത്യു പെറി. തന്റെ ജീവചരിത്രത്തില്‍ കടന്നുപോയ പ്രതിസന്ധികളെക്കുറിച്ച് താരം തുറന്നു പറഞ്ഞിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ