ഇന്ത്യന്‍ വനിതാ ഹോക്കി താരത്തെ റെയില്‍വേ ട്രാക്കില്‍ മരിച്ച നിലയില്‍ കണ്ടെത്തി. ഏഷ്യന്‍ ഗെയിംസില്‍ ഉള്‍പ്പെടെ രാജ്യത്തിനായി കളിച്ച ഹരിയാനയില്‍ നിന്നുമുള്ള ജ്യോതി ഗുപ്ത(20)യെയാണ് ആത്മഹത്യ ചെയ്ത നിലയില്‍ കണ്ടെത്തിയത്.
റെവാരി റെയില്‍വേ സ്റ്റേഷന് സമീപമുള്ള ട്രാക്കിലായിരുന്നു മൃതദേഹം കണ്ടെത്തിയത്. അടുത്ത ആഴ്ച ബംഗലുരൂവിലേക്ക് ട്രെയിനിങ്ങിനായി പോകേണ്ടതായിരുന്നു മുന്നേറ്റനിരക്കാരിയായ ജ്യോതി.
സര്‍ട്ടിഫിക്കറ്റില്‍ തന്റേ പേരിലുള്ള അക്ഷരതെറ്റ് തിരുത്തുന്നതിനായി മഹര്‍ശി ദയാനന്ദ് സര്‍വകലാശാലയിലേക്ക് പോകുന്നെന്ന് പറഞ്ഞായിരുന്നു ജ്യോതി വീട്ടില്‍ നിന്നും ഇറങ്ങിയതെന്ന് അമ്മ പറയുന്നു. വൈകുന്നേരും വീട്ടില്‍ വെച്ച് ബസ് ബ്രേക്ക് ഡൗണ്‍ ആയതായും, വീട്ടിലെത്താന്‍ വൈകുമെന്നും അറിയിച്ചിരുന്നു.
റെയില്‍വേ ട്രാക്കില്‍ മൃതദേഹം കിടക്കുന്നത് ശ്രദ്ധയില്‍പ്പെട്ട പ്രദേശവാസികള്‍ വിവരം പൊലീസില്‍ അറിയിച്ചു. പൊലീസ് എത്തിയപ്പോള്‍ മൃതദേഹത്തിന് അരികില്‍ മൊബൈല്‍ ഫോണ്‍ റിങ് ചെയ്യുന്നുണ്ടായിരുന്നു. ഫോണിലേക്ക് വന്ന കോള്‍ അറ്റന്റ് ചെയ്തതിലൂടെയാണ് ജ്യോതിയെ പൊലീസിന് തിരിച്ചറിയാനായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ