അഹമ്മദാബാദ്: ഹിന്ദുക്കളുടെ ഭൂമി മുസ്ലീങ്ങള്‍ വാങ്ങുന്നതിനെതിരെ ബിജെപി എംഎല്‍എ. ഹിന്ദുക്കളുടെ ഭൂമി മുസ്ലീങ്ങള്‍ വാങ്ങുന്നത് തടയാന്‍ നിയമനിര്‍മാണം വേണമെന്നാണ് ഗുജറാത്തിലെ സൂറത്തില്‍ നിന്നുമുള്ള ബിജെപി എംഎല്‍എ സംഗീത പാട്ടീല്‍ ആവശ്യപ്പെട്ടിരിക്കുന്നത്.
തന്റെ മണ്ഡലത്തിലെ ഹിന്ദുക്കളുടെ ഭൂമി മുസ്ലീങ്ങള്‍ വാങ്ങാതിരിക്കാന്‍ ലീംബിയത്ത് മേഖലയില്‍ ഡിസ്റ്റേര്‍ബ്ഡ് ഏരിയാസ് ആക്ട് നടപ്പിലാക്കണമെന്ന് സംഗീത പട്ടീല്‍ ആവശ്യപ്പെടുന്നു. ഈ ആവശ്യവുമായി എംഎല്‍എ കളക്ടറെ സമീപിച്ചിട്ടുമുണ്ട്.
ലിംബിയാത്ത് മേഖലയിലെ ഹിന്ദുക്കള്‍ ഭൂമി മുസ്ലീങ്ങള്‍ സ്വന്തമാക്കുന്ന വിഷയം ചൂണ്ടിക്കാട്ടി നിരവധി തവണ തന്നെ ബന്ധപ്പെട്ടു. അതിനാലാണ് ജില്ലാ കളക്ടര്‍ക്ക് മുന്‍പാകെ ഈ ആവശ്യം വെച്ചിരിക്കുന്നത്. ഡിസ്റ്റര്‍ബ്ഡ് ഏരിയാസ് ആക്ട് ഇവിടെ നടപ്പാക്കിയാല്‍ ഒരു മതവിഭാഗത്തില്‍പ്പെട്ട വ്യക്തിക്ക് മറ്റൊരു മതവിഭാഗത്തില്‍പ്പെട്ട വ്യക്തിയില്‍ നിന്നും ഭൂമി വാങ്ങണമെങ്കില്‍ ജില്ലാ കളക്ടറുടെ അനുമതി വേണം.
ഭൂമി വില്‍ക്കാന്‍ ഹിന്ദുക്കള്‍ തയ്യാറായില്ലെങ്കില്‍ അവരെ ഭീഷണിപ്പെടുത്തി ഭൂമി വില്‍പ്പിക്കുകയാണെന്ന് എംഎല്‍എ പറയുന്നു. ഒരിക്കല്‍ ലിംബിയാത്ത് ഹിന്ദു പ്രദേശമായിരുന്നു. എന്നാലിവിടെ ഇപ്പോള്‍ മുസ്ലീങ്ങളാണ് കൂടുതല്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ