ന്യൂഡല്‍ഹി : കോണ്‍ഗ്രസ് അധ്യക്ഷ സ്ഥാനത്തേയ്ക്ക് രാഹുല്‍ ഗാന്ധി നാമനിര്‍ദേശപത്രിക സമര്‍പ്പിച്ചതോടെ, സാധാരണ കോണ്‍ഗ്രസ് പ്രവര്‍ത്തകര്‍ അപമാനിക്കപ്പെട്ടതായി കരുതുന്നതായി ബിജെപി നേതാവ് ഹിമന്ത ബിസ്‌വാ ശര്‍മ്മ. പുതിയ നൂറ്റാണ്ടില്‍ കുടുംബവാഴ്ചയ്ക്കും ജന്മിത്വ രാഷ്ട്രീയത്തിനും അറുതി വരുത്താനുളള അവസരമാണ് രാഹുല്‍ ഗാന്ധി കളഞ്ഞുകുളിച്ചതെന്നും ഹിമന്ത ബിസ്‌വാ ശര്‍മ്മ ആരോപിച്ചു. ആസാമിലെ ബിജെപിയുടെ മന്ത്രിയായ ഹിമന്ത ബിസ്‌വാ ശര്‍മ്മ ഒരു കാലത്ത് കോണ്‍ഗ്രസിന്റെ പ്രമുഖ നേതാവായിരുന്നു.
കോണ്‍ഗ്രസ് അധ്യക്ഷ സ്ഥാനത്തേയ്ക്ക് രാഹുല്‍ ഗാന്ധി നാമനിര്‍ദേശ പത്രിക സമര്‍പ്പിച്ചതോടെ സാധാരണ കോണ്‍ഗ്രസ് പ്രവര്‍ത്തകര്‍ ദു:ഖത്തിലാണെന്നും ഹിമന്ത ബിസ്‌വാ ശര്‍മ്മ ആരോപിച്ചു. പാര്‍ട്ടിയ്ക്ക് വേണ്ടി വിയര്‍പ്പൊഴുക്കിയ പാര്‍ട്ടി പ്രവര്‍ത്തകര്‍ കോണ്‍ഗ്രസിന്റെ സുതാര്യതയില്ലായ്മയില്‍ വിഷമിക്കുന്നതായും ട്വിറ്ററിലുടെ ഹിമന്ത ബിസ്‌വാ ശര്‍മ്മ പറഞ്ഞു. അതേസമയം പാര്‍ട്ടിയുടെ ചരിത്രം ഹിമന്ത ബിസ്‌വാ ശര്‍മ്മയ്ക്ക് അറിയില്ലെന്ന് കോണ്‍ഗ്രസ് മറുപടി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ