ന്യൂഡല്‍ഹി:  ഗുജറാത്തില്‍ പാര്‍ട്ടി പരാജയപ്പെടുമെന്ന് ബിജെപി എംപി സഞ്ജയ് കാക്കഡെ. ഒരു തെരഞ്ഞെടുപ്പ് സര്‍വെ അടിസ്ഥാനമാക്കിയാണ് എംപിയുടെ നിരീക്ഷണം. ഗുജറാത്തില്‍ പാര്‍ട്ടി പരുങ്ങലിലാണന്നും സര്‍വെ പറയുന്നു. സഖ്യം ഉണ്ടാക്കി സര്‍ക്കാര്‍ രൂപികരിക്കാന്‍ ശ്രമിച്ചാല്‍ പോലും അത് കഴിയില്ലെന്നും എംപി പറയുന്നു.

രണ്ടാം ഘട്ട വോട്ടെടുപ്പിന് പിന്നാലെ പുറത്ത് വന്ന സര്‍വെകളെല്ലാം ബിജെപിക്ക് അനുകൂലമായിരുന്നു. എന്നാല്‍ ഇതിന് കടകവിരുദ്ധമായ നിലപാടുമായി എംപി രംഗത്തുവന്നത് പാര്‍ട്ടി കേന്ദ്രങ്ങളെ ഞെട്ടിച്ചിരിക്കുകയാണ്.

കോണ്‍ഗ്രസ് വിജയിച്ചാല്‍ അത് പാര്‍ട്ടിയെന്ന നിലയില്‍ അത് ബിജെപിയുടെ തെരഞ്ഞെടുപ്പ് പ്രചാരണരംഗത്തെ വീഴ്ചയായി വിലയിരുത്തപ്പെടുമെന്നും എംപി പറഞ്ഞു. 182 സീറ്റുകളിലേക്കാണ് രണ്ടുഘട്ടങ്ങളിലായി തെരഞ്ഞെടുപ്പ് നടന്നത്. ബിജെപിക്ക് നിലവില്‍ 92 സീറ്റുകള്‍ മാത്രമാണ് ലഭിക്കുകയുള്ളുവെന്നും എംപി പ്രവചിച്ചു. 18നാണ് വോട്ടെണ്ണല്‍.