ശ്രീനഗര്‍: വിവാഹ ചടങ്ങുകളിലെ അമിത ചെലവുകള്‍ക്ക് വിലക്കേര്‍പ്പെടുത്തി ജമ്മുകശ്മീര്‍ സര്‍ക്കാരിന്റെ ഉത്തരവ്. അതിഥികളുടെ എണ്ണത്തിലും ഭക്ഷണത്തിലും നിയന്ത്രണം വരുത്തി പാഴ്‌ചെലവ് ഇല്ലാതാക്കും. സ്വകാര്യ പരിപാടികള്‍ക്കും പൊതു പരിപാടികള്‍ക്കും ഭക്ഷണങ്ങളും മറ്റു അവശ്യ സാധനങ്ങളും അനാവശ്യമായി ചെലവാക്കുന്നുവെന്ന് കാണിച്ച് ലഭിച്ച പരാതിയുടെ അടിസ്ഥാനത്തിലാണ് സര്‍ക്കാരിന്റെ ഉത്തരവ്. ഏപ്രില്‍ ഒന്ന് മുതല്‍ നിയമം പ്രാബല്യത്തില്‍ വരും.
ഇതു പ്രകാരം നിശ്ചയം പോലെയുള്ള ചെറിയ ചടങ്ങുകള്‍ക്ക് 100 ആളുകളും വിവാഹ ചടങ്ങിന് ആയിരത്തിനു താഴെ ആളുകളും മാത്രമേ പങ്കെടുക്കാന്‍ പാടുള്ളു. സസ്യ സസ്യേതര ഭക്ഷണങ്ങളുള്‍പ്പെടെ ഏഴ് തരം ഭക്ഷണങ്ങളേ അനുവദിക്കുകയുള്ളു. പഴവര്‍ഗങ്ങള്‍ രണ്ടു തട്ടില്‍ ഒതുക്കണം. ക്ഷണക്കത്തുകളുടെ കൂടെ നല്‍കുന്ന മധുര പലഹാരങ്ങള്‍ വിലക്കാനും സര്‍ക്കാര്‍ ഉത്തരവില്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ