സംസ്ഥാനത്ത് വിവാഹിതരാകുന്ന നവദമ്പതികള്ക്ക് വിവാഹ സമ്മാനമായി ഉത്തര്പ്രദേശ് സര്ക്കാര് കോണ്ടം നല്കും. കുടുംബാസൂത്രണ പദ്ധതിയുടെ ഭാഗമായാണ് വിവാഹതിരാകുന്ന ദമ്പതികള്ക്ക് സര്ക്കാര് ഗര്ഭനിരോധന ഉറ നല്കുന്നത്.
സംസ്ഥാനത്തെ ആശാ വര്ക്കേഴ്സ് മുഖേന നല്കുന്ന നയി പഹല് കിറ്റില് ഗര്ഭനിരോധന ഉറയും, ഗര്ഭനിരോധന ഗുളികകളും, കുടുംബാസൂത്രണത്തെ കുറിച്ചുള്ള യുപി ആരോഗ്യ വകുപ്പിന്റെ കുറിപ്പുകളും ഉണ്ടാകും. രണ്ട് കുട്ടികള് ഉണ്ടാകുന്നതിന് ഇടയിലുണ്ടാകേണ്ട ഇടവേളയെ കുറിച്ചുള്ള ആരോഗ്യ വകുപ്പിന്റെ നിര്ദേശങ്ങളും കിറ്റിലുണ്ടാകും.
പുതിയതായി വിവാഹിതരാകുന്നവരെ കുടുംബാസൂത്രണത്തെ കുറിച്ച് ബോധവത്കരിക്കുകയാണ് യുപി സര്ക്കാരിന്റെ ലക്ഷ്യം. മിഷന് പരിവാര് വികാസ് പദ്ധതിയുടെ ഭാഗമായിട്ടാണ് ഇതും നടപ്പിലാക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ