ന്യൂഡല്‍ഹി: പാതയോരത്തെ മദ്യശാലകള്‍ അടയ്ക്കണമെന്ന വിധിയില്‍ ഇളവ് അനുവദിക്കണമെന്ന കേരളത്തിന്റെ ആവശ്യം സുപ്രിം കോടതി തള്ളി. വിധി നടപ്പാക്കാന്‍ കൂടുതല്‍ സമയം അനുവദിക്കണമെന്ന് ആവശ്യപ്പെട്ട് ബിവറേജസ് കോര്‍പ്പറേഷനാണ് കോടതിയെ സമീപിച്ചത്.
ഹര്‍ജി കാലഹരണപ്പെട്ടതെന്നു ചൂണ്ടിക്കാട്ടിയാണ് ബിവറേജസ് കോര്‍പ്പറേഷന്റെ ആവശ്യം സുപ്രിം കോടതി തള്ളിയത്. അതുകൊണ്ടുതന്നെ കൂടുതല്‍ സമയം അനുവദിക്കുകയെന്ന ഹര്‍ജിയിലെ ആവശ്യം കോടതി പരിഗണിച്ചില്ല.
ദേശീയ, സംസ്ഥാന പാതയോരങ്ങളില്‍നിന്ന് അഞ്ഞൂറു മീറ്റര്‍ പരിധിയിലുള്ള മദ്യശാലകള്‍ മാറ്റിസ്ഥാപിക്കണമെന്ന വിധിയില്‍ അരുണാചലിനും ആന്‍ഡമാനും കോടതി ഇളവു നല്‍കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ