ന്യൂഡല്‍ഹി: കരസേനാ മേധാവി ബിപിന്‍ റാവത്തിനെ 'തെരുവുഗുണ്ട' എന്നു വിളിച്ച കോണ്‍ഗ്രസ് നേതാവ് സന്ദീപ് ദീക്ഷിത് മാപ്പു പറഞ്ഞു.
എഎന്‍ഐയുടെ അഭിമുഖത്തിനിടയിലാണ് സന്ദീപ് ദീക്ഷിത് ഇന്ത്യന്‍ കരസേനാമേധാവിയെ 'തുരുവുഗുണ്ട' എന്നു വിശേഷിപ്പിച്ചത്.
വാഹനത്തിനുമുന്നില്‍ ഒരാളെ കെട്ടിയിട്ട് മനുഷ്യകവചം സൃഷ്ടിച്ചതിനെ ന്യായീകരിച്ച് സംസാരിച്ച കരസേനാമേധാവിയുടെ നിലപാടിനെ ചോദ്യം ചെയ്തുകൊണ്ടായിരുന്നു സന്ദീപ് ദീക്ഷിത് ഈ പ്രസ്താവന നടത്തിയത്.
സന്ദീപ് ദീക്ഷിതിന്റെ പ്രസ്താവനയോട് കോണ്‍ഗ്രസ് നേതാക്കളൊന്നും അനുകൂല നിലപാടെടുത്തിരുന്നില്ല. കൂടാതെ കേന്ദ്രമന്ത്രിയായ കിരണ്‍ റിജ്ജുവടക്കമുള്ളവര്‍ ട്വിറ്ററിലൂടെ സന്ദീപ് ദീക്ഷിതിന്റെ പ്രസ്താവനയെത്തുടര്‍ന്ന് കോണ്‍ഗ്രസിനെ ആക്രമിക്കുന്ന സാഹചര്യമുണ്ടായി. പ്രസ്താവന വിവാദമായതോടെയാണ് സന്ദീപ് ദീക്ഷിത് ക്ഷമാപണവുമായി എത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ