ഉത്തര്‍പ്രദേശ്: യുപിയിലെ സഹാരണ്‍പൂരില്‍ ദളിതര്‍ക്കെതിരെയുള്ള പോലീസ് അതിക്രമത്തില്‍ പ്രതിഷേധിച്ച് 100 ദളിത് സ്ത്രീകള്‍ ബുദ്ധമതം സ്വീകരിക്കുന്നതായി അറിയിച്ചു. സഹാരണ്‍പൂരിലുണ്ടായ ജാതി സംഘര്‍ഷങ്ങളെ തുടര്‍ന്ന് പോലീസ് കസ്റ്റഡിയിലെടുത്ത ഭീം ആര്‍മി പ്രവര്‍ത്തകരെ മോചിപ്പിക്കണമെന്നാവശ്യപ്പെട്ട് യുവതികള്‍ പ്രക്ഷോഭം നടത്തിയിരുന്നു. രാംപൂര്‍ മണിഹരണില്‍ രണ്ടു മണിക്കൂറോളമാണ് ഇവര്‍ പ്രതിഷേധം നടത്തിയത്.
പ്രതിഷേധ പരിപാടികള്‍ക്ക് ശേഷം രാജ്ഭാഹെയില്‍ ഹിന്ദു ദേവികളുടെ ചിത്രങ്ങളുള്ള പ്ലക്കാര്‍ഡുകളുമായി ഒത്തുകൂടിയ ഇവര്‍ ചിത്രങ്ങള്‍ വെള്ളത്തില്‍ ഒഴുക്കുകയും ബുദ്ധമതം സ്വീകരിക്കുന്നതായി പ്രഖ്യാപിക്കുകയും ചെയ്തു. കൂടാതെ പോലീസ് അതിക്രമത്തിനെതിരെ ഇവര്‍ ജില്ലാ ഭരണകൂടത്തിനും രാഷ്ട്രപതിക്കും മെമ്മോറാണ്ടം നല്‍കുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ