പ്രതിപക്ഷത്തിന്റെ രാഷ്ട്രപതി സ്ഥാനാര്‍ഥിയായി മീരാ കുമാറിനെ പ്രഖ്യാപിച്ചതിന് പിന്നാലെയായിരുന്നു കേന്ദ്ര വിദേശകാര്യ മന്ത്രി സുഷമ സ്വരാജ് ട്വിറ്ററിലൂടെ മീരാ കുമാറിന് നേരെ വിമര്‍ശനവുമായി എത്തിയത്. എന്നാല്‍ സുഷമയുടെ വിമര്‍ശനങ്ങള്‍ക്ക് പിന്നാലെ ട്വിറ്ററില്‍ തന്റെ സാന്നിധ്യം അറിയിച്ചിരിക്കുകയാണ് മീരാ കുമാര്‍ ഇപ്പോള്‍.
ഇനി ട്വിറ്ററിലൂടെ തന്നെ മീരാ കുമാര്‍, സുഷമ സ്വരാജിന് മറുപടി നല്‍കുമോയെന്നാണ് ഏവരും ഉറ്റുനോക്കുന്നത്. തിങ്കളാഴ്ച ട്വിറ്ററില്‍ അക്കൗണ്ട് തുടങ്ങിയ മീരാ കുമാര്‍ എല്ലാവര്‍ക്കും റമദാന്‍ ആശംസ നേര്‍ന്നു.
2013ല്‍ മീരാ കുമാര്‍ ലോക്‌സഭാ സ്പീക്കറായിരുന്ന സമയത്ത് ലോക്‌സഭയില്‍ സുഷയമുടെ ആറ് മിനിറ്റുള്ള സംസാരം 60 തവണ മീരാ കുമാര്‍ തടയപ്പെടുത്തിയെന്ന് ആരോപണമായിരുന്നു സുഷമ ട്വിറ്ററിലൂടെ ഉന്നയിച്ചത്. സുഷമയുടെ ആരോപണത്തെ പ്രതിരോധിച്ച് കോണ്‍ഗ്രസ് പാര്‍ട്ടിയും രംഗത്തെത്തിയിരുന്നു.
മീരാ കുമാറിനെ പുകഴ്ത്തി സുഷമ നടത്തിയ പ്രസംഗത്തിന്റെ വീഡിയോ ആയിരുന്നു കോണ്‍ഗ്രസ് പാര്‍ട്ടി പുറത്തുവിട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ