ന്യൂഡല്‍ഹി: ബിഹാര്‍ മുഖ്യമന്ത്രി നിതീഷ് കുമാറിന്റെ നേതൃത്വത്തിലുള്ളതാണ് യഥാര്‍ഥ ജെഡി(യു) എന്ന് കേന്ദ്ര തെരഞ്ഞെടുപ്പ് കമ്മീഷന്‍. ജെഡി(യു)വിന്റെ ഔദ്യോഗിക ചിഹ്നമായ അസ്ത്രം ഉപയോഗിക്കാനുള്ള അവകാശവും നിതീഷ് കുമാര്‍ പക്ഷത്തിന് ലഭിച്ചു. തെരഞ്ഞെടുപ്പ് കമ്മീഷന്‍ തീരുമാനം ശരദ് യാദവ് പക്ഷത്തിന് കനത്ത തിരിച്ചടിയായി.
ആര്‍ജെഡി,കോണ്‍ഗ്രസ് ബന്ധം ഉപേക്ഷിച്ച് വിശാല സഖ്യം തകര്‍ത്ത് നിതീഷ് കുമാര്‍ ജെഡിയുവിനെ എന്‍ഡിഎയില്‍ ചേര്‍ത്തിരുന്നു. ഇതിനെത്തുടര്‍ന്ന് ശരദ് യാദവ് പക്ഷം, നിതീഷ് കുമാര്‍ പക്ഷം എന്നിങ്ങനെയായി പാര്‍ട്ടി രണ്ടായി പിളരുകയായിരുന്നു.
ജെഡി(യു) വര്‍ക്കിങ് പ്രസിഡന്റ് ഛോട്ടുഭായ് അമര്‍സംഘ് വാസവ പാര്‍ട്ടിക്കു മേല്‍ അവകാശം ഉന്നയിച്ച് നല്‍കിയ പരാതിയിലാണ് ഇപ്പോള്‍ തീരുമാനമായത്. ഔദ്യോഗിക ചിഹ്നം ഉപയോഗിക്കാനുള്ള അവകാശവും തങ്ങള്‍ക്കു വേണമെന്ന് ഛോട്ടുഭായ് ആവശ്യപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ