റാഞ്ചി: ദീപാവലി ആഘോഷങ്ങളുടെ ഭാഗമായിട്ടായിരുന്നു ജാര്‍ഖണ്ഡ് മുഖ്യമന്ത്രി പാര്‍ട്ടി പ്രവര്‍ത്തകര്‍ക്കൊപ്പം രാത്രി റൈഡിനിറങ്ങിയത്. എന്നാല്‍ ഹെല്‍മെറ്റ് വീട്ടില്‍ വെച്ച് യാത്രയ്ക്കിറങ്ങിയ മുഖ്യമന്ത്രിക്കെതിരെ വിമര്‍ശനം ഉയരുകയാണ്.
ഹെല്‍മറ്റ് വയ്ക്കാതെയുള്ള മുഖ്യമന്ത്രി രഘുബര്‍ ദാസിന്റെ സ്‌കൂട്ടറിലെ യാത്രയ്‌ക്കെതിരെ പ്രതിപക്ഷം രംഗത്തെത്തി കഴിഞ്ഞു.
മുഖ്യമന്ത്രിക്കെതിരെ പൊലീസ് കേസെടുക്കണമെന്നാണ് ജാര്‍ഖണ്ഡിലെ കോണ്‍ഗ്രസ് നേതാക്കളുടെ ആവശ്യം. ജാര്‍ഖണ്ഡ് മുഖ്യമന്ത്രിയുടെ വാക്കുകളും പ്രവര്‍ത്തിയും തമ്മില്‍ ഒരു ബന്ധവുമില്ലെന്ന് ഇതോടെ വ്യക്തമായാതായാണ് ഇവിടുത്തെ കോണ്‍ഗ്രസ് നേതാക്കള്‍ ആരോപിക്കുന്നത്.
വാര്‍ത്താ ഏജന്‍സിയായ എഎന്‍ഐയായിരുന്നു റാഞ്ചിയിലൂടെയുള്ള മുഖ്യമന്ത്രിയുടെ സ്‌കൂട്ടര്‍ യാത്ര പുറത്തുവിട്ടത്. ജൂലൈയില്‍ ഗുരുപൂര്‍ണിമ ദിനത്തില്‍ രഘുബര്‍ ദാസിന്റെ കാല് രണ്ട് സ്ത്രീകള്‍ കഴുകുന്ന വീഡിയോയും പുറത്തുവന്നിരുന്നു. അന്നും വലിയ വിവാദം ജാര്‍കണ്ഡ് മുഖ്യമന്ത്രിക്കെതിരെ ഉയരുകയുണ്ടായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ