ഹൈദരാബാദ് : കുട്ടികള്‍ക്കെതിരായ ബലാല്‍സംഗക്കേസുകളില്‍ വധശിക്ഷ നല്‍കുന്നതിനോട് പാര്‍ട്ടിക്ക് യോജിപ്പില്ലെന്ന് സിപിഎം. പാര്‍ട്ടി കോണ്‍ഗ്രസിനോട് അനുബന്ധിച്ച് നടത്തിയ വാര്‍ത്താസമ്മേളനത്തിലാണ് പിബി അംഗം ബൃന്ദ കാരാട്ട് പാര്‍ട്ടി നിലപാട് വ്യക്തമാക്കിയത്. കുട്ടികള്‍ക്കെതിരായ ലൈംഗിക അതിക്രമത്തിന് മരണശിക്ഷ നല്‍കുന്നതിനോട് സിപിഎം തത്വത്തില്‍ എതിരാണ്.
നിയമപുസ്തകത്തില്‍ വധശിക്ഷയ്ക്ക് വകുപ്പ് ഇല്ലാത്തതിനാലല്ല, ഇവിടെ കുറ്റകൃത്യങ്ങള്‍ വര്‍ധിക്കുന്നത്. ബലാല്‍സംഗം ചെയ്യുന്നവര്‍ക്ക് സര്‍ക്കാര്‍ രക്ഷകരാകുന്നതുകൊണ്ടാണ്. ആ രക്ഷകരെയാണ് ശിക്ഷിക്കേണ്ടത്.
കത്തുവയില്‍ പെണ്‍കുട്ടിയെ ബലാല്‍സംഗം ചെയ്തുകൊന്ന കേസില്‍ കുറ്റപത്രം നല്‍കുന്നത് തടഞ്ഞ അഭിഭാഷകര്‍ക്കെതിരെ സര്‍ക്കാര്‍ എന്തു നടപടിയാണ് എടുത്തതെന്ന് ബൃന്ദ്ര കാരാട്ട് ചോദിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ