ന്യൂഡല്‍ഹി : ദൈനംദിന ഇന്ധന വില നിര്‍ണയത്തിന് അപ്രഖ്യാപിത വിലക്ക്. കേന്ദ്രസര്‍ക്കാരിന്റെ നിര്‍ദേശ പ്രകാരമാണ് നടപടി. ഇന്ധന വില വര്‍ധന കര്‍ണാടക തെരഞ്ഞെടുപ്പില്‍ തിരിച്ചടിയാകുമെന്ന വിലയിരുത്തലിന്റെ അടിസ്ഥാനത്തിലാണ് നടപടി എന്നാണ് സൂചന. 

ഇതേത്തുടര്‍ന്ന് കഴിഞ്ഞ ആറുദിവസമായി ഇന്ധനവിലയില്‍ മാറ്റമില്ലാതെ തുടരുകയാണ്. ഞായറാഴ്ച പെട്രോള്‍ വില ഡല്‍ഹിയില്‍ 74.63 ഉം കൊല്‍ക്കത്തയില്‍ 77. 32 ഉം മുംബൈയില്‍ 82.48 ഉം ആയിരുന്നു. ഡീസല്‍ വിലയാകട്ടെ യഥാക്രമം 65.93, 68.63, 70.2 എന്നിങ്ങനെയായിരുന്നു. 

കഴിഞ്ഞ വര്‍ഷം ജൂണിലാണ് രാജ്യത്ത് പെട്രോള്‍, ഡീസല്‍ വില നിര്‍ണയം ദിനംപ്രതി നിശ്ചയിക്കുന്ന സമ്പ്രദായം നിലവില്‍ വന്നത്.