ഐസ്വാള്‍ : മിസോറാം നിയമസഭ തെരഞ്ഞെടുപ്പില്‍ മുഖ്യമന്ത്രി ലാല്‍തന്‍ വാഹ്‌ലയ്ക്ക് ദയനീയ പരാജയം. ചംപായ് സൗത്തില്‍ നിന്നും വീണ്ടും ജനവിധി തേടിയ ഹാവ്‌ല മിസോറാം നാഷണല്‍ ഫ്രണ്ട് സ്ഥാനാര്‍ത്ഥി തോല്‍പ്പിക്കുകയായിരുന്നു.
എംഎന്‍എഫിന്റെ ടി ജെ ലാല്‍നുന്‍ത്‌ലാംഗയാണ് ഇവിടെ വിജയിച്ചത്. ചംപായിക്ക് പുറമെ, സര്‍ച്ചിപ്പ് മണ്ഡലത്തിലും മുഖ്യമന്ത്രി ലാല്‍ലന്‍ ഹാവ്‌ല മല്‍സരിച്ചിരുന്നു. ഇവിടെയും മുഖ്യമന്ത്രി ലാല്‍തന്‍ ഹാവ്‌ല പരാജയപ്പെട്ടു. കഴിഞ്ഞ 10 വര്‍ഷമായി മിസോറാം മുഖ്യമന്ത്രിയായിരുന്നു ലാല്‍തന്‍ ഹാവ്‌ല.
ആകെയുള്ള 40 സീറ്റില്‍ 29 സീറ്റിലാണ് എംഎന്‍എഫ് ലീഡ് ചെയ്യുന്നത്. ആറിടത്ത് മാത്രമാണ് കോണ്‍ഗ്രസിന് ലീഡ് ഉള്ളത്. ബിജെപി ഒരു സീറ്റിലും മറ്റുള്ളവര്‍ മൂന്നിടത്തും ലീഡ് ചെയ്യുന്നു. കേവല ഭൂരിപക്ഷത്തിന് 21 സീറ്റാണ് വേണ്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ