ന്യൂഡൽഹി: റഫാൽ ഇടപാടിൽ കോൺ​ഗ്രസിനെതിരെ വ്യാപക പ്രചാരണം നടത്താൻ ബിജെപി തയ്യാറെടുക്കുന്നു. രാജ്യത്തെ 70 ന​ഗരങ്ങളിൽ തിങ്കളാഴ്ച വാർത്താ സമ്മേളനം നടത്താനാണ് പാർട്ടി തീരുമാനിച്ചിരിക്കുന്നത്. ബിജെപി മുഖ്യമന്ത്രിമാരും കേന്ദ്രമന്ത്രിമാരുമാവും ഇതിന് നേതൃത്വം നൽകുക. 

കേന്ദ്രസർക്കാരിനെതിരെ കോൺ​ഗ്രസ് ​ഗൂഢാലോചന നടത്തിയത് ഇപ്പോൾ കോടതി ഉത്തരവിലൂടെ തെളിഞ്ഞിരിക്കുകയാണെന്നും മുഖംമൂടി വെളിവായെന്നും ബിജെപി നേതാവും എംപിയുമായ അനിൽ ബലൂനി പറഞ്ഞു.

രാജ്യ സുരക്ഷയെ മുൻനിർത്തി മാത്രമാണ് വിമാന ഇടപാട് സംബന്ധിച്ച വിവരങ്ങൾ സർക്കാർ ഇതുവരേക്കും പുറത്ത് വിടാതിരുന്നത്. കോൺ​ഗ്രസ് പറഞ്ഞതത്രയും കള്ളത്തരമായിരുന്നുവെന്നും രാജ്യസുരക്ഷയെയാണ് രാഷ്ട്രീയവത്കരിച്ചതെന്നും അദ്ദേഹം ആരോപിച്ചു.