ന്യൂഡല്‍ഹി: കുട്ടികള്‍ക്കെതിരായ ലൈംഗിക കുറ്റകൃത്യങ്ങളില്‍ ശിക്ഷ കര്‍ശനമാക്കാന്‍ നിയമഭേദഗതിക്ക് കേന്ദ്രമന്ത്രിസഭാ തീരുമാനം. ഗുരുതര കുറ്റകൃത്യങ്ങള്‍ക്കു വധശിക്ഷ ലഭിക്കും വിധമാണ് പോക്‌സോ നിയമം ഭേദഗതി ചെയ്യുക.
കുട്ടികളെ ലൈംഗിക കുറ്റകൃത്യങ്ങളില്‍നിന്നു സംരക്ഷിക്കേണ്ടതുണ്ടെന്ന് മന്ത്രിസഭായോഗ തീരുമാനങ്ങള്‍ വിശദീകരിച്ചുകൊണ്ട് മന്ത്രി രവിശങ്കര്‍ പ്രസാദ് പറഞ്ഞു. ഈ ലക്ഷ്യത്തോടെയാണ് പോക്‌സോ നിയമം ഭേദഗതി ചെയ്യുന്നത്. ഇതോടെ കുട്ടികള്‍ക്കെതിരെ ഗുരുതര കുറ്റങ്ങള്‍ ചെയ്യുന്നവര്‍ക്കു കഠിന ശിക്ഷ ലഭിക്കും- രവിശങ്കര്‍ പ്രസാദ് പറഞ്ഞു.
കത്തുവ ബലാത്സംഗത്തിന്റെ പശ്ചാത്തലത്തില്‍ കുട്ടികള്‍ക്കെതിരായ കുറ്റകൃത്യങ്ങളില്‍ ശിക്ഷ കടുത്തതാക്കണമെന്ന് ആവശ്യം ഉയര്‍ന്നിരുന്നു. കേന്ദ്ര വനിതാ ശിശുക്ഷേമ മന്ത്രി മേനകാ ഗാ്ന്ധി തന്നെ ഇത്തരമൊരു ആവശ്യമുയര്‍ത്തി. പന്ത്രണ്ടു വയസിനു താഴെയുള്ള കുട്ടികള്‍ക്കെതിരായ ലൈംഗിക കുറ്റകൃത്യത്തില്‍ വധശിക്ഷ നല്‍കണമെന്നാണ് മേനകാ ഗാന്ധി ആവശ്യപ്പെട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ