കൊല്‍ക്കത്ത: അനാഥ യുവതിക്ക് നേരെ കൊല്‍ക്കത്തയില്‍ ഡല്‍ഹി മോഡല്‍ കൂട്ടബലാത്സംഗം.ബംഗാളില്‍ യുവതിയെ കൂട്ട ബലാത്സംഗത്തിനിരയാക്കിയ ശേഷം യുവതിയുടെ സ്വകാര്യഭാഗങ്ങളില്‍ ഇരുമ്പ് ദണ്ഡ് കുത്തിക്കയറ്റി. കുടല്‍മാല പുറത്തുവന്ന നിലയില്‍ പാലത്തിന് ചുവട്ടില്‍ കണ്ടെത്തിയ ഇരുപതുകാരിയായ യുവതിയെ നാട്ടുകാരാണ് ആശുപത്രിയിലാക്കി. മാല്‍ഡ മെഡിക്കല്‍ കോളേജില്‍ പ്രവേശിപ്പിച്ച യുവതി രണ്ടു ശസ്ത്രക്രിയയ്ക്ക് വിധേയയാക്കി.
ശിവരാത്രി ദിനത്തിലാണ് സംഭവം നടന്നത്. ശിവരാത്രി ആഘോഷത്തിന്റെ ഭാഗമായി മേള കണ്ട് മടങ്ങവെയായിരുന്നു ക്രൂരപീഡനത്തിനിരയായത്. തന്നെ ആക്രമിച്ചവരുടെ പേര് വിവരങ്ങള്‍ യുവതി പൊലീസിന് മൊഴി നല്‍കിയിട്ടുണ്ട്. യുവതി ക്രൂരമായ ആക്രമണത്തിന് വിധേയായിട്ടുണ്ടെന്ന് ഡോക്ടര്‍മാരും പറയുന്നു
യുവതിയെ പീഡിപ്പിച്ചവര്‍ക്കെതിരെ ശക്തമായ നടപടിയെടുക്കണമെന്നാവശ്യവുമായി വനിതാ സംഘടനകളും രംഗത്തെത്തിയിട്ടുണ്ട്. മമതാ ബാനര്‍ജി സര്‍ക്കാര്‍ സ്ത്രീകളുടെ സുരക്ഷയൊരുക്കുന്നതില്‍ ശ്രദ്ധിക്കുന്നില്ലന്നും മറ്റുകാര്യങ്ങളിലാണ് ശ്രദ്ധയെന്നുമാണ് പ്രതിപക്ഷ പാര്‍ട്ടികള്‍ പറയുന്നത്. കൊടും ക്രിമിനലുകള്‍ക്കെതിരെ നടപടിയെടുക്കാത്തതിനെ തുടര്‍ന്ന് ക്രിമിനലുകള്‍ അഴിഞ്ഞാടുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ