ബംഗളൂരു: കര്ണാടക മുഖ്യമന്ത്രി എച്ച്.ഡി.കുമാരസ്വാമിക്ക് ഇസ്രായേലില് വെച്ച് ഹൃദയാഘാതം സംഭവിച്ചതായി റിപ്പോര്ട്ട്. മാര്ച്ചിലായിരുന്നു സംഭവം. എന്നാല് കുമാരസ്വാമിയുടെ അടുത്ത ബന്ധുക്കള്ക്കും സുഹൃത്തുക്കള്ക്കും മാത്രമേ ഈ വിവരം അറിയാമായിരുന്നുള്ളു എന്നാണ് ഡെക്കന് ക്രോണിക്കിള് റിപ്പോര്ട്ട് ചെയ്യുന്നത്.
ഈ വര്ഷം മാര്ച്ചിലായിരുന്നു സംഭവം. ഇസ്രായേലിലെ ജലവിതരണ പദ്ധതിയെ കുറിച്ച് പഠിക്കാന് പോയപ്പോഴായിരുന്നു ഇത്. മുതിര്ന്ന ജെഡിഎസ് നേതാക്കളായിരുന്നു കുമാരസ്വാമിക്ക് ഒപ്പമുണ്ടായിരുന്നത്. ഇസ്രായേലില് വെച്ച് ഹൃദയാഘാതം സംഭവിച്ചിട്ടും ഒരാഴ്ച കൊണ്ട് അദ്ദേഹത്തെ നാട്ടിലെത്തിക്കന് സാധിച്ചിരുന്നു.
ഇസ്രായേലില് വെച്ച് കുമാരസ്വാമി ശസ്ത്രക്രീയയ്ക്ക് വിധേയമായിരുന്നു എന്ന വാര്ത്തകളും പ്രചരിച്ചിരുന്നു. കര്ണാടക തെരഞ്ഞെടുപ്പിന്റെ പ്രചാരണ വേളയില് കുമാരസ്വാമി മുഴുവന് സമയ പ്രചാരണത്തില് പങ്കെടുത്തിരുന്നില്ല. ഇത് ആരോഗ്യ പ്രശ്നങ്ങളെ തുടര്ന്നായിരുന്നു എന്നാണ് അടുത്ത വൃത്തങ്ങള് വെളിപ്പെടുത്തുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ