ലക്നൗ: ഉത്തര്പ്രദേശിലെ ഗ്രേറ്റര് നോയിഡയില് രണ്ടുവയസുകാരി കൊല്ലപ്പെട്ടത് പീഡന ശ്രമത്തിനിടെയെന്നു പൊലീസ്. സംഭവത്തില് പന്ത്രണ്ടുകാരനെ പൊലീസ് കസ്റ്റഡിയില് എടുത്തു. ഗ്രാമത്തിന് സമീപത്തെ ക്ഷേത്രത്തിനു സമീപമുള്ള പറമ്പില്നിന്നു ബുധനാഴ്ച രാവിലെയാണു കുഞ്ഞിനെ മരിച്ചനിലയില് കണ്ടത്.
മുഖത്തും കഴുത്തിലും പരുക്കേറ്റ പാടുകളും വലതുകണ്ണ് കല്ലുകൊണ്ടു കുത്തിപൊട്ടിച്ച നിലയിലുമായിരുന്നു. ചോദ്യംചെയ്യലില് പ്രതി കുറ്റം സമ്മതിച്ചതായി പൊലീസ് അറിയിച്ചു.വീടിനു പുറത്തു കളിച്ചുകൊണ്ടിരുന്ന പെണ്കുട്ടിയെ പന്ത്രണ്ടുകാരന് ഒഴിഞ്ഞ പറമ്പിലേക്കു കൂട്ടികൊണ്ടു പോകുകയായിരുന്നു.
പീഡനശ്രമത്തിനിടെ കുട്ടി കരഞ്ഞതിന് പിന്നാലെ ആരെങ്കിലും വരുമോയെന്നു ഭയപ്പെട്ട പ്രതി ഇഷ്ടിക കൊണ്ടിടിച്ചും ശ്വാസം മുട്ടിച്ചും കുഞ്ഞിനെ കൊല്ലുകയായിരുന്നുവെന്നാണു പൊലീസ് പറയുന്നത്. കുഞ്ഞിനെ പ്രതി എടുത്തുകൊണ്ടു പോകുന്ന സിസിടിവി ദൃശ്യങ്ങള് പൊലീസിനു ലഭിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ