മാല്‍ഡ: ട്രയിനില്‍ എസി പ്രവര്‍ത്തിക്കാത്തതിനെ തുടര്‍ന്ന് അപായച്ചങ്ങല വലിച്ച് യാത്രക്കാരുടെ പ്രതിഷേധം. പ്രതിഷേധത്തെ തുടര്‍ന്ന് മണിക്കൂറുകളോളം ട്രയിന്‍ ഗതാഗതം തടസ്സപ്പെട്ടു. ബംഗാളിലെ മാല്‍ഡ സ്റ്റേഷനിലാണ് യാത്രക്കാരുടെ പ്രതിഷേധത്തെ തുടര്‍ന്ന് ട്രയിന്‍ പിടിച്ചിട്ടത്. ബ്രഹ്മപുത്ര മെയിലില്‍ ഇന്ന് രാവിലെയാണ് സംഭവം.
ഇന്ന് രാവിലെ നാലുമണിക്ക് മാല്‍ഡ ടൗണില്‍ എത്തിയപ്പോഴാണ് യാത്രക്കാര്‍ ചെയിന്‍ വലിച്ച് പ്രതിഷേധിച്ചത്. എസി കോച്ചുകളില്‍ ഒന്നും തന്നെ എസി വര്‍ക്കു ചെയ്യുന്നില്ലെന്നായിരുന്നു യാത്രക്കാരുടെ ആരോപണം. യാത്രക്കാരുടെ പരാതിയെ തുടര്‍ന്ന് കോച്ചുകളിലെ എസി റിപ്പയര്‍ ചെയ്ത ശേഷം എട്ടുമണിയോടെയാണ് ട്രയിന്‍ സ്‌റ്റേഷനില്‍ നിന്നും യാത്ര തുടങ്ങിയത്.
റെയില്‍വെയുടെ കെടുകാര്യസ്ഥതയാണ് അനാസ്ഥയ്ക്ക് കാരണമെന്നാണ് യാത്രക്കാരുടെ ആരോപണം
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ