ന്യൂഡല്‍ഹി: നടി ശ്രീദേവിയുടെ മരണത്തില്‍ അന്വേഷണം ആവശ്യപ്പെട്ടുള്ള ഹര്‍ജി സുപ്രീംകോടതി തള്ളി. സംവിധായകന്‍ സുനില്‍ സിങ് ആണ് ശ്രീദേവിയുടെ മരണത്തില്‍ ദുരൂഹത ആരോപിച്ച് കോടതിയെ സമീപിച്ചത്.
ദുബൈയിലെ ഹോട്ടലില്‍ വച്ചാണ് ശ്രീദേവി മരിച്ചത്. കുടുംബത്തോടൊപ്പം തങ്ങിയ ഹോട്ടലിലെ ബാത്ത് ടബില്‍ ശ്രീദേവിയെ മരിച്ച നിലയില്‍ കണ്ടെത്തുകയായിരുന്നു. ഭര്‍ത്താവ് ബോണി കപൂര്‍ ഹോട്ടല്‍ മുറിയില്‍ തന്നെ ഉള്ള സമയത്തായിരുന്നു മരണം. ഇക്കാര്യങ്ങള്‍ യുഎഇ പൊലീസ് പരിശോധിച്ചിരുന്നു. ശ്രീദേവിയുടെ മരണത്തില്‍ ദുരൂഹതയില്ലെന്ന് വിദേശകാര്യ മ്ന്ത്രാലയവും അറിയിച്ചിരുന്നു.
ശ്രീദേവിയുടെ ഉയരത്തേക്കാള്‍ നീളം കുറഞ്ഞ ടബ്ബിലാണ് മരണമെന്നും ഇതില്‍ ദുരൂഹതയുണ്ടെന്നുമാണ് സുനില്‍ സിങ് ഹര്‍ജിയില്‍ പറഞ്ഞിരുന്നു. നേരത്തെ ഹൈക്കോടതിയും സമാനമായ ഹര്‍ജി തള്ളിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ