ന്യൂഡല്ഹി: കര്ണാടകയില് സര്ക്കാര് രൂപീകരിക്കാന് ബിജെപിയെ ഗവര്ണര് ക്ഷണിച്ചതിനെതിരെ കോണ്ഗ്രസ് നല്കിയ ഹര്ജിയില് സുപ്രീംകോടതിയില് വാദം ആരംഭിച്ചു. സര്ക്കാര് രൂപീകരിക്കാന് അവകാശവാദമുന്നയിച്ച് യെദ്യൂരപ്പ ഗവര്ണര്ക്ക് നല്കിയ കത്തുകള് ബിജെപി കോടതിയില് ഹാജരാക്കി. ബിജെപി ഏറ്റവും വലിയ ഒറ്റകക്ഷിയാണ് എന്ന അവകാശവാദമാണ് കത്തിലുള്ളത്. ഇതിനെ ചോദ്യ ശരങ്ങളോടെയാണ് സുപ്രീംകോടതി നേരിട്ടത്. ഈ കത്തിന്റെ അടിസ്ഥാനത്തില് സര്ക്കാരുണ്ടാക്കാന് ക്ഷണിച്ചത് എങ്ങനെയെന്ന് ജസ്റ്റിസ് സിക്രി ചോദിച്ചു. കോണ്ഗ്രസ് നല്കിയ കത്തില് പിന്തുണക്കുന്നവരുടെ വിവരങ്ങളുണ്ടല്ലോയെന്ന് കോടതി ചോദിച്ചു.
ആദ്യം ബിജെപി വാദമാണ് കോടതി കേട്ടത്. സര്ക്കാര് രൂപീകരിക്കാന് അവകാശവാദമുന്നയിച്ച് യെദ്യൂരപ്പ ഗവര്ണര്ക്ക് നല്കിയ കത്തുകള് ബിജെപി അഭിഭാഷകന് മുകുള് റോത്തഗി കോടതിയില് വായിച്ചു. ഏറ്റവും വലിയ ഒറ്റകക്ഷിയായ ബിജെപിയെ സര്ക്കാര് രൂപീകരിക്കാന് ക്ഷണിക്കണമെന്നാണ് ആദ്യ കത്തിലുള്ളത്. മറ്റുള്ളവരുടെ പിന്തുണയും ഭൂരിപക്ഷവുമുണ്ടെന്ന് രണ്ടാമത്തെ കത്തില് യെദ്യൂരപ്പ അവകാശപ്പെടുന്നു.
ബിജെപിക്ക് ഒറ്റയ്ക്ക് ഭൂരിപക്ഷമില്ലെന്ന് കോണ്ഗ്രസ് വാദിച്ചു.
എംഎല്എമാരെ കോണ്ഗ്രസ് അന്യായമായി തടവില് വച്ചിരിക്കുകയാണെന്ന് ബിജെപി കുറ്റപ്പെടുത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ