വിജയപുര: തെരഞ്ഞെടുപ്പ് കഴിഞ്ഞ കര്‍ണാടകയില്‍ വിവി പാറ്റ് വോട്ടിങ് മെഷീനുകളുടെ പുറംചട്ട ഒരു ലേബര്‍ ക്യാമ്പില്‍ നിന്ന് കണ്ടെത്തി. വിജയപുരയിലെ ഒരു വീട്ടില്‍ നിന്നാണ് ബാറ്ററിയില്ലാത്ത എട്ട് വോട്ടിങ് യന്ത്രങ്ങള്‍ കണ്ടെത്തിയത്. തൊഴിലാളികള്‍ വസ്ത്രങ്ങള്‍ സൂക്ഷിക്കാന്‍ വേണ്ടി വോട്ടിങ് യന്ത്രങ്ങള്‍ ഉപയോഗിച്ച് വരികയായിരുന്നു. സംഭവത്തില്‍ കേസടെുത്തിട്ടുണ്ടെന്നും സമഗ്രമായ അന്വേഷണം ആരംഭിച്ചതായും പൊലീസ് അറിയിച്ചു. വോട്ടിങ് മെഷിനൂകളുടെ പുറംചട്ടയാണ് കണ്ടെത്തിയതെന്ന് സംസ്ഥാന മുഖ്യ തെരഞ്ഞെടുപ്പ് കമ്മീഷണറും പറഞ്ഞു.

തെരഞ്ഞെടുപ്പില്‍ ചില മണ്ഡലങ്ങളില്‍ വോട്ടിങ് മെഷിനീല്‍ കൃത്രിമം നടന്നുവെന്ന് കോണ്‍ഗ്രസ് ആരോപിച്ചിരുന്നു. ഇതിന് പിന്നാലെയാണ് വോട്ടിങ് മെഷിനൂകളുടെ പുറംമൂടി ലേബര്‍ ക്യാമ്പില്‍ നിന്നും  ലഭിച്ചിരിക്കുന്നത്.