ലഖ്‌നൗ: രാമക്ഷേത്രം പണിയുമെന്ന വിവാദപ്രസ്താവനയുമായി യുപി മന്ത്രി. സുപ്രീംകോടതി നമ്മുടേതായതിനാല്‍ അയോധ്യയില്‍ രാമക്ഷേത്രം നിര്‍മിക്കാനാകുമെന്ന യു.പി. മന്ത്രി മുകുത് ബിഹാറിയുടെ പ്രഖ്യാപനം. മാധ്യമപ്രവര്‍ത്തകരോടു സംസാരിക്കുമ്പോഴായിരുന്നു മന്ത്രിയുടെ പ്രതികരണം
'അയോധ്യയില്‍ ക്ഷേത്രം നിര്‍മിക്കുമെന്ന് ഞങ്ങള്‍ വാക്കുനല്‍കിയിരുന്നു. അത് നിര്‍മ്മിക്കാന്‍ ഞങ്ങള്‍ പ്രതിജ്ഞാബദ്ധരാണ്' എന്ന് മന്ത്രി പറഞ്ഞപ്പോള്‍ സുപ്രീംകോടതിയുടെ വിധി വരാനുണ്ടല്ലോയെന്നായി മാധ്യമപ്രവര്‍ത്തകന്‍. അപ്പോഴാണ് സുപ്രീംകോടതിയും നമ്മുടേതല്ലേ എന്ന് മന്ത്രി പറഞ്ഞത്.
ലോക്‌സഭ തിരഞ്ഞെടുപ്പിനു മുന്നോടിയായി സമൂഹത്തില്‍ ധ്രുവീകരണം നടത്താനുള്ള ബി.ജെ.പി.യുടെ ശ്രമമാണിതെന്ന് കോണ്‍ഗ്രസും സമാജ് വാദി പാര്‍ട്ടിയും ആരോപിച്ചു. എന്നാല്‍, തന്റെ വാക്കുകള്‍ വളച്ചൊടിച്ചതാണെന്ന് മന്ത്രി പിന്നീട് പ്രതികരിച്ചു. നാലു തവണ എം.എല്‍.എ.യായ മുകുത് ബിഹാറി, നിലവില്‍ സഹകരണവകുപ്പ് മന്ത്രിയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ