ന്യൂഡൽഹി: അന്തരിച്ച ബിജെപി നേതാവ് സുഷമ സ്വരാജിന്റെ സംസ്കാരം ഇന്ന് വൈകിട്ട് മൂന്നുമണിക്ക് ഡല്‍ഹിയിലെ ലോധിറോഡ് വൈദ്യുതശ്മശാനത്തിൽ നടക്കും. രാവിലെ 11 മണി വരെ വസതിയിൽ പൊതുദർശനത്തിന് വയ്ക്കുന്ന മൃതദേഹം ഉച്ചയോടെ ബിജെപി ആസ്ഥാനത്ത് എത്തിക്കും. വൈകിട്ട് മൂന്ന് മണിവരെ ഇവിടെ പൊതുദർശനത്തിന് വയ്ക്കുമെന്ന് ബിജെപി വര്‍ക്കിങ് പ്രസിഡന്റ് ജെ പി നദ്ദ അറിയിച്ചു.
ഇന്നലെ രാത്രി 11 മണിയോടെ ഡൽഹിയിലെ എയിംസ് ആശുപത്രിയിലായിരുന്നു സുഷമയുടെ അന്ത്യം. ഹൃദയാഘാതത്തെതുടർന്നാണ് മരണം സംഭവിച്ചത്. വൃക്കരോഗത്തെതുടര്‍ന്ന് ചികിത്സയിലായിരുന്ന സുഷമയുടെ നില വഷളായതിനെത്തുടര്‍ന്നാണ് ആശുപത്രിയില്‍ പ്രവേശിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ