ഗാന്ധിനഗര്: ലോക്സഭ തെരഞ്ഞെടുപ്പ് അടുക്കുന്നതിനിടെ ഗുജറാത്തില് കോണ്ഗ്രസ് എംഎല്എ രാജിവച്ചു. ഊന്ഝാ മണ്ഡലത്തിലെ എംഎല്എ ഡോ. ആശാ പട്ടേലാണ് രാജിവച്ചത്. മുന്നോക്കക്കാരിലെ പിന്നോക്കക്കാര്ക്ക് പത്ത് ശതമാനം സാമ്പത്തിക സംവരണം ഏര്പ്പെടുത്തിയ മോദി സര്ക്കാരിന്റെ നടപടിയെ പ്രശംസിച്ചുകൊണ്ടാണ് ആശ രാജിവെച്ചിരിക്കുന്നത്. ഇത് പട്ടേല് സമുദായത്തിന് കൂടുതല് ഉപാകരമാകുമെന്ന് അവര് പറഞ്ഞു. ശനിയാഴ്ച രാവിലെ നിയമസഭ സ്പീക്കര് രാജേന്ദ്ര ത്രിവേദിക്ക് ആശ രാജിക്കത്ത് കൈമാറി.
ബിജെപിയുടെ പട്ടേല് വിഭാഗത്തിലെ പ്രബല നേതാവ് എന്എല് പട്ടേലിനെ പരാജയപ്പെടുത്തിയാണ് ആശ 2017ല് നിയമസഭയിലെത്തിയത്. രാജിവയ്ക്കാനുള്ള ആശയുടെ തീരുമാനത്തെ സ്വാഗതം ചെയ്യുന്നു എന്ന് എന്എല് പട്ടേല് പ്രതികരിച്ചു. പത്ത് ശതമാനം സാമ്പത്തിക സംവരണം ഏര്പ്പെടുത്തിയതോടെ പട്ടേല് വിഭാഗക്കാര് ഉയര്ത്തി കാണിച്ച സംവരണ പ്രശ്നം അവസാനിച്ചുവെന്ന് അദ്ദേഹം പ്രതികരിച്ചു. എന്നാല് താന് ബിജെപിയില് ചേരില്ലെന്ന് ആശ വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ