വീരമൃത്യു വരിച്ച ജവാന്റെ മൃതദേഹം തോളിലേറ്റി രാജ്‌നാഥ് സിങ് ( വീഡിയോ)
ശ്രീനഗര്‍: സിആര്‍പിഎഫ് ജവാന്മാര്‍ വീരമൃത്യു വരിച്ച ഭീകരാക്രമണത്തിന്റെ പശ്ചാത്തലത്തില്‍ കേന്ദ്ര ആഭ്യന്തരമന്ത്രി രാജ്‌നാഥ് സിങിന്റെ കശ്മീര്‍ സന്ദര്‍ശനം ആരംഭിച്ചു. സ്ഥിതിഗതികള്‍ വിലയിരുത്താന്‍ രാജ്‌നാഥ് സിങിന്റെ അധ്യക്ഷതയില്‍ ഉന്നതതല യോഗം നടന്നു. യോഗത്തില്‍ ജമ്മു കശ്മീര്‍ ഗവര്‍ണര്‍ സത്യപാല്‍ മാലിക് പങ്കെടുത്തു.
കശ്മീരില്‍ ഇന്ന് ഉച്ചയോടെ എത്തിയ രാജ്‌നാഥ് സിങ് ബുധ്ഗാമിലെ സിആര്‍പിഎഫ് ക്യാമ്പ് സന്ദര്‍ശിച്ച് ജവാന്മാര്‍ക്ക് ആദരാഞ്ജലി അര്‍പ്പിച്ചു. ഗവര്‍ണര്‍ സത്യപാല്‍ മാലികും ആര്‍മിയുടെ നോര്‍ത്തേണ്‍ കമാന്‍ഡ് മേധാവി ലെഫ്റ്റനന്റ് ജനറല്‍ റണ്‍ബീര്‍ സിങും പുഷ്പചക്രം അര്‍പ്പിച്ചു. ഇതിന് പിന്നാലെ ജവാന്റെ മൃതദേഹം വഹിച്ചുകൊണ്ടുളള പേടകം സ്വന്തം തോളിലേറ്റി ദുഃഖത്തില്‍ പങ്കുകൊളളാനും രാജ്‌നാഥ് സിങ് മറന്നില്ല. ജമ്മുകശ്മീര്‍ ഡിജിപി ദില്‍ബാഗ് സിങ് അദ്ദേഹത്തെ അനുഗമിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ