ന്യൂഡല്‍ഹി: കേന്ദ്രസര്‍ക്കാരിന് എതിരെ ഇടത് വിദ്യാര്‍ത്ഥി സംഘടനകളുടെ പാര്‍ലമെന്റ് മാര്‍ച്ച്. സ്റ്റുഡന്റ് ദില്ലി ചലോ എന്ന് പേരിട്ടിരിക്കുന്ന മാര്‍ച്ചില്‍ ആയിരക്കണക്കിന് വിദ്യാര്‍ത്ഥികളാണ് പങ്കെടുക്കുന്നത്. രാംലീല മൈതാനത്തില്‍ നിന്ന് ആരംഭിച്ച മാര്‍ച്ചിന്റെ പ്രധാന മുദ്രാവാക്യം സേവ് എഡ്യുക്കേഷന്‍, സേവ് ഡെമോക്രസി, സേവ് നേഷന്‍ എന്നാണ്.
എഐഎസ്എഫ്, എസ്എഫ്‌ഐ, എഐഎഡിഎസ്ഒ, പിഎസ്‌യു, എഐഎസ്ബി എന്നീ സംഘടനകളുടെ നേതൃത്വത്തിലാണ് മാര്‍ച്ച് നടക്കുന്നത്.
പൊതുവിദ്യാഭ്യാസം സാര്‍വത്രികവും സൗജന്യവുമാക്കുക, വിദ്യാഭ്യാസരംഗത്തെ വര്‍ഗീയവല്‍ക്കണം അവസാനിപ്പിക്കുക, കേന്ദ്രബജറ്റിലെ 10 ശതമാനം വിദ്യാഭ്യാസ മേഖലയ്ക്ക് മാറ്റിവയ്ക്കുക തുടങ്ങിയ ആവശ്യങ്ങള്‍ ഉന്നിയിച്ചാണ് മാര്‍ച്ച്. ചരിത്രകാരി റൊമീല ഥാപ്പര്‍, സംഗീതജ്ഞന്‍ ടിഎം കൃഷ്ണ തുടങ്ങിയവര്‍ മാര്‍ച്ചിന് പിന്തുണ അറിയിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ