ശ്രീനഗര്: കശ്മീരിലെ കുല്ഗാമിലുണ്ടായ ഏറ്റുമുട്ടലില് രണ്ട് ഭീകരരെ സൈന്യം വധിച്ചു. തെക്കന് കശ്മീരില് നടത്തി വന്ന സുരക്ഷാ പരിശോധനയ്ക്കിടെയാണ് ഭീകരര് ഒളിച്ച് താമസിക്കുന്നതായി വിവരം ലഭിച്ചത്. തുടര്ന്ന് നടത്തിയ തെരച്ചിലിനിടെ ഭീകരര് വെടിയുതിര്ക്കുകയായിരുന്നു. ഇതോടെയാണ് സൈന്യം തിരിച്ചടിച്ചത്.
മണിക്കൂറുകള് നീണ്ട വെടിവെപ്പ് അവസാനിച്ചുവെങ്കിലും സ്ഥലത്ത് തെരച്ചില് തുടരുകയാണ്. പ്രദേശവാസികള് സൈന്യത്തിനെതിരെ പ്രതിഷേധ പ്രകടനം നടത്തിയതായി റിപ്പോര്ട്ടുകളുണ്ട്. ഇവരെ പിരിച്ചു വിടുന്നതിനായി സുരക്ഷാ സേന കണ്ണീര് വാതകം പ്രയോഗിച്ചു. സൈന്യത്തിനെതിരായ ആക്രമണങ്ങളെ തുടര്ന്ന് തെക്കന് കശ്മീരിലേക്കുള്ള മൊബൈല്- ഇന്റര്നെറ്റ് സേവനങ്ങള് നിര്ത്തി വച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ