ന്യൂഡല്‍ഹി: വീണ്ടും നിപ വൈറസ് ബാധ സ്ഥിരീകരിച്ച സാഹചര്യത്തില്‍ കേന്ദ്രത്തിന്റെ എല്ലാ സഹായവും കേരളത്തിനു നല്‍കുമെന്ന് കേന്ദ്ര ആരോഗ്യമന്ത്രി ഡോ. ഹര്‍ഷവര്‍ധന്‍. ഓള്‍ ഇന്ത്യ ഇന്‍സ്റ്റിറ്യൂട്ടില്‍നിന്നുള്ള ആറംഗ വിദഗ്ധ സംഘം ഇതിനകം കൊച്ചിയില്‍ എത്തിയതായും അദ്ദേഹം അറിയിച്ചു.
നിപ ബാധ സ്ഥിരീകരിച്ച സാഹചര്യത്തില്‍ എല്ലാവിധ മുന്‍കരുതല്‍ നടപടികളും സ്വീകരിച്ചിട്ടുണ്ട്. സംസ്ഥാന സര്‍ക്കാരുമായി കേന്ദ്ര ആരോഗ്യവകുപ്പ് നിരന്തര സമ്പര്‍ക്കം പുലര്‍ത്തുന്നുണ്ട്. ഇന്നലെയും ഇന്നുമായി സംസ്ഥാന ആരോഗ്യമന്ത്രിയുമായി സംസാരിച്ചതായും ഹര്‍ഷവര്‍ധന്‍ അറിയിച്ചു.
ഇന്നലെ രാത്രി വൈകിയാണ് പൂനെ വൈറോളജി ഇന്‍സ്റ്റിറ്യൂട്ടില്‍നിന്നുള്ള പരിശോധനാ ഫലം വന്നത്. അതിനു മുമ്പു തന്നെ സംസ്ഥാന സര്‍ക്കാര്‍ എല്ലാ സ്ജ്ജീകരണങ്ങളും ചെയ്തിട്ടുണ്ട്. കേരളത്തിലും കേന്ദ്രത്തിലും കണ്‍ട്രോള്‍ റൂം തുറന്നിട്ടുണ്ടെന്നും ആരോഗ്യമന്ത്രി അറിയിച്ചു.
പരിഭ്രാന്തിക്കേണ്ട ഒരു സാഹചര്യവും നിലവിലില്ല. നിപയെ പ്രതിരോധിക്കാന്‍ ശാസ്ത്രീയമായ എല്ലാ നടപടികളും കൈക്കൊണ്ടിട്ടുണ്ടെന്ന് ഹര്‍ഷവര്‍ധന്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ