ലക്‌നൗ: അമേഠി സന്ദര്‍ശനത്തിനിടെ, രോഗബാധിതയായ സ്ത്രീയെ അകമ്പടി വാഹനത്തില്‍ കയറ്റി ആശുപത്രിയിലെത്തിച്ച് കേന്ദ്രമന്ത്രി സ്മൃതി ഇറാനി. തന്റെ സ്വന്തം വോട്ടര്‍മാരോട് സ്മൃതി ഇറാനി കാണിക്കുന്ന കരുതലിന്റെ തെളിവാണിത് എന്ന് പറഞ്ഞ് ദൃശ്യങ്ങള്‍ വ്യാപകമായാണ് സോഷ്യല്‍മീഡിയയില്‍ പ്രചരിക്കുന്നത്.
ഗോവ മുഖ്യമന്ത്രി പ്രമോദ് സാവന്തിന് ഒപ്പമാണ് സ്മൃതി ഇറാനി തന്റെ മണ്ഡലമായ അമേഠിയില്‍ എത്തിയത്. അന്തരിച്ച മുന്‍ കേന്ദ്രമന്ത്രി മനോഹര്‍ പരീക്കര്‍ ദത്തെടുത്ത അമേഠിയിലെ ഗ്രാമങ്ങള്‍ സന്ദര്‍ശിക്കുകയാണ് ലക്ഷ്യം. ഗ്രാമത്തിലെ ജനങ്ങളുമായി ആശയവിനിമം നടത്തുകയാണ് രണ്ടുദിന സന്ദര്‍ശനത്തിലുടെ സ്മൃതി ഇറാനി ഉദ്ദേശിക്കുന്നത്.
സ്വന്തം മണ്ഡലത്തിലെ സന്ദര്‍ശനത്തിനിടെയാണ് സ്മൃതി ഇറാനിയുടെ ഇടപെടല്‍.രോഗബാധിതയായ സ്ത്രീയെ അകമ്പടി വന്ന ആംബുലന്‍സില്‍ കയറ്റി ജില്ലാ ആശുപത്രിയില്‍ എത്തിക്കുകയായിരുന്നു സ്മൃതി ഇറാനി. ഇതിന്റെ വീഡിയോയാണ് വ്യാപകമായി പ്രചരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ