ന്യൂഡല്‍ഹി: ലോക്‌സഭ തെരഞ്ഞടുപ്പിന് ആഴ്ചകള്‍ മാത്രം ബാക്കിനില്‍ക്കെ അന്ധ്രയില്‍ കോണ്‍ഗ്രസിന് തിരിച്ചടി. പാര്‍ട്ടിയുടെ രാജ്യസഭാ എംപി രാജിവച്ച് ബിജെപിയില്‍ ചേര്‍ന്നു. എംപി റപോലു ആനന്ദ ഭാസ്‌കറാണ് രാജിവച്ച് ബിജെപിയില്‍ ചേര്‍ന്നത്.
കോണ്‍ഗ്രസിന്റെ തെരഞ്ഞടുപ്പ് സമിതി യോഗം ചേര്‍ന്ന് അടുത്ത ഘട്ട പട്ടിക പുറത്തിറാക്കിനിരിക്കെയാണ് കോണ്‍ഗ്രസ് നേതാവിന്റെ രാജി. കോണ്‍ഗ്രസിന്റെ മുതിര്‍ന്ന നേതാവായ ജിതിന്‍ പ്രസാദയും ബിജെപിയില്‍ ചേരുമെന്നാണ് റിപ്പോര്‍ട്ടുകള്‍. രണ്ട് തവണ ലോക്‌സഭാ എംപിയായിരുന്നു ജിതിന്‍ പ്രസാദ.2004ല്‍ ഷാജഹാന്‍പൂരില്‍ നിന്നും 2009ല്‍ ദൗറയില്‍ നിന്നുമാണ് ജിതിന്‍ പ്രസാദ ലോക്‌സഭയിലെത്തിയത്. രാഹുല്‍ഗാന്ധിയുമായി ഏറെ അടുപ്പമുള്ള നേതാക്കളിലൊരാളാണ് ജിതിന്‍. എന്നാല്‍ ബിജെപിയില്‍ചേരുമോയെന്ന ചോദ്യത്തിന് ജിതിന്‍ മറുപടി നല്‍കിയില്ല.കഴിഞ്ഞ ദിവസങ്ങളില്‍ കോണ്‍ഗ്രസിന്റെ നിരവധി പ്രമുഖ നേതാക്കള്‍ ബിജെപിയിലെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ