ന്യൂഡല്‍ഹി : പരിസ്ഥിതി നാശമുണ്ടാക്കിയ സംഭവത്തില്‍ ഫോക്‌സ് വാഗണില്‍ നിന്നും പിഴ ഈടാക്കുന്നതിന് ബലപ്രയോഗം നടത്താന്‍ പാടില്ലെന്ന് സുപ്രിം കോടതി. ജസ്റ്റിസ് എസ് എ ബോബ്‌ഡെ അധ്യക്ഷനായ ബഞ്ചിന്റേതാണ് വിധി. ദേശീയ ഹരിത ട്രൈബ്യൂണലാണ് പ്രമുഖ ജര്‍മ്മന്‍ കാര്‍ നിര്‍മ്മാതാക്കളായ ഫോക്‌സ് വാഗണിന്‌ 500 കോടി രൂപ പിഴ ഈടാക്കി നേരത്തേ വിധി പ്രഖ്യാപിച്ചിരുന്നത്.
ഡീസല്‍ കാറുകളില്‍ പരിസ്ഥിതി നാശം ഉണ്ടാക്കുന്ന ഉപകരണം ഫോക്‌സ് വാഗണ്‍ ഘടിപ്പിച്ചതായി തെളിഞ്ഞതിനെ തുടര്‍ന്നായിരുന്നു ഹരിത ട്രൈബ്യൂണലിന്റെ വിധി. 100 കോടി രൂപ സെന്‍ട്രല്‍ പൊല്യൂഷന്‍ ബോര്‍ഡിലേക്ക് അടയ്ക്കാനും ട്രൈബ്യൂണല്‍ നിര്‍ദ്ദേശിച്ചിരുന്നു.
രണ്ട് മാസത്തിനകം പിഴ അടയ്ക്കാനും മാര്‍ച്ച് ഏഴിലെ വിധിയില്‍ ഹരിത ട്രൈബ്യൂണല്‍ ആവശ്യപ്പെട്ടിരുന്നു. ഇതിനെതിരെയാണ് ജര്‍മ്മന്‍ കാര്‍ കമ്പനി സുപ്രിംകോടതിയെ സമീപിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ