ന്യൂഡല്‍ഹി: വേട്ടിങ് മെഷിനീല്‍ ഏത് ബട്ടന്‍ അമര്‍ത്തിയാലും വോട്ട് ബിജെപിക്ക് ലഭിക്കുമെന്ന് ബിജെപി സ്ഥാനാര്‍ത്ഥി ബക്ഷിഷ് വിര്‍ക്. ഹരിയാനയിലെ അസന്ധ് മണ്ഡലത്തിലെ സിറ്റിങ് എംഎല്‍എയാണ് വിര്‍ക്. ഏത് ചിഹ്നത്തില്‍ കുത്തിയാലും വോട്ട് തങ്ങള്‍ക്ക് ലഭിക്കുമെന്ന് ബിജെപി പാര്‍ട്ടി യോഗത്തില്‍ പറയുന്ന വിര്‍കിന്റെ വീഡിയോ പുറത്തുവന്നു. ആരൊക്കെ ആര്‍ക്കാണ് വോട്ട് ചെയ്‌തെന്ന് താന്‍ അറിയുമെന്നും ബക്ഷിക് അണികളോട് പറയുന്നു.
ബക്ഷിഷിന്റെ ഈ നടപടിയില്‍ വിശദീകരണം ആവശ്യപ്പെട്ടിട്ടുണ്ടെന്ന് ജില്ലാ തെരഞ്ഞെടുപ്പ് ഓഫീസര്‍ വിനയ് പ്രതാപ് സിംഗ് പറഞ്ഞു. ബിജെപി സ്ഥാനാര്‍ത്ഥിയുടെ വീഡിയോ പുറത്തുവന്നതോടെ പ്രതിഷേധവുമായി പ്രതിപക്ഷം രംഗത്തെത്തി. മുന്‍ എംപിയുംകോണ്‍ഗ്രസ് നേതാവുമായ ദീപേന്ദര്‍ സിങ് ഹൂഡ വീഡിയോ ട്വീറ്റ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ