ശിവ്പുരി: പൊതുസ്ഥലത്ത് മലവിസര്‍ജനം നടത്തിയെന്ന് ആരോപിച്ച് മധ്യപ്രദേശില്‍ രണ്ട് ദലിത് കുട്ടികളെ ആള്‍ക്കൂട്ടം തല്ലിക്കൊന്നു. മധ്യപ്രദേശിലെ ശിവ്പുരി ജില്ലയിലാണ് സംഭവം.
ഭാവ്‌കേദി ഗ്രാമത്തിലെ പഞ്ചായത്ത് കെട്ടിടത്തിന് സമീപത്താണ് സംഭവം നടന്നതെന്ന് പൊലീസ് പറഞ്ഞതായി വാര്‍ത്താ ഏജന്‍സിയായ പിടിഐ റിപ്പോര്‍ട്ട് ചെയ്യുന്നു.
റോഷനി(12), അവിനാശ്(10)എന്നിവരാണ് അതിദാരുണമായി കൊലചെയ്യപ്പെട്ടത്. മര്‍ദനമേറ്റ് ഗുരുതരമായി പരിക്കേറ്റ കുട്ടികളെ ആശുപത്രിയിലെത്തിച്ചെങ്കിലും രക്ഷിക്കാന്‍ സാധിച്ചില്ല. കുട്ടികളെ മര്‍ദിച്ചവര്‍ക്കായുള്ള തെരച്ചില്‍ ആരംഭിച്ചിട്ടുണ്ടെന്ന് പൊലീസ് വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ