ന്യൂഡല്‍ഹി: കൊറോണ വൈറസ് വ്യാപനത്തിനെതിരെ ഇന്ത്യയും അമേരിക്കയും ഒരുമിച്ച് പോരാടും. പ്രധാനമന്ത്രി നരേന്ദ്ര മോദി ട്വിറ്ററിലൂടെയാണ് ഇക്കാര്യം വ്യക്തമാക്കിയത്. ഇതു സംബന്ധിച്ച് അമേരിക്കന്‍ പ്രസിഡന്റുമായി വിശദമായ ചര്‍ച്ച നടത്തിയെന്നും പ്രധാനമന്ത്രി അറിയിച്ചു.
'അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായി ടെലഫോണില്‍ വിശദമായി സംസാരിച്ചു. വളരെ നല്ലൊരു ചര്‍ച്ച ഞങ്ങള്‍ നടത്തി. കോവിഡ് 19 നെ നേരിടാന്‍ ഇന്ത്യ- യുഎസ് പങ്കാളിത്തത്തിന്റെ മുഴുവന്‍ കഴിവും പ്രയോജനപ്പെടുത്താമെന്ന് ഇരുവരും ധാരണയിലെത്തി'- മോദി ട്വീറ്റ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ