റാഞ്ചി: ആര്‍ജെഡി നേതാവ് ലാലു പ്രസാദ് യാദവിനെ ചികിത്സിച്ച മെഡിക്കല്‍ സംഘം ചികിത്സിച്ച മറ്റൊരു രോഗിക്ക് കോവിഡ് സ്ഥിരീകരിച്ചു. രാജേന്ദ്ര ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് അധികൃതരാണ് രോഗബാധ സ്ഥിരീകരിച്ചത്. ഇതോടെ മെഡിക്കല്‍ സംഘത്തിലെ ഡോക്ടർമാരെ ക്വാറന്റൈൻ ചെയ്തു.
കഴിഞ്ഞ മൂന്ന് ആഴ്ചയായി മെഡിസിന്‍ ഡിപ്പാര്‍ട്ട്‌മെന്റില്‍ പ്രവേശിപ്പിക്കപ്പെട്ട ഒരു രോഗിക്കാണ് കോവിഡ് സ്ഥിരീകരിച്ചത്. ലാലുപ്രസാദിനെ ചികിത്സിക്കുന്ന ഡോ. ഉമേഷ് പ്രസാദിന്റെ സംഘമാണ് അദ്ദേഹത്തെ ചികിത്സിച്ചതെന്ന് ആശുപത്രി അധികൃതർ സ്ഥിരീകരിച്ചു.
രോഗം സ്ഥിരീകരിച്ചയാള്‍ മൂന്ന് ആഴ്ച മെഡിക്കല്‍ ഡിപ്പാര്‍ട്ട്‌മെന്റില്‍ ഉണ്ടായിരുന്നതിനാല്‍ സംഘത്തിലെ എല്ലാ ഡോക്ടർമാരുടെയും സാമ്പിളുകൾ ശേഖരിച്ചു. ലാലു പേ വാര്‍ഡിലാണ് ചികിത്സയിലുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ