മുംബൈ: മഹാരാഷ്ട്രയില്‍ കഴിഞ്ഞ 24 മണിക്കൂറിനിടെ 9,509 പേര്‍ക്ക് കോവിഡ് സ്ഥിരീകരിച്ചു. 260 പേരാണ് ഇന്ന് മരിച്ചത്. ഇതോടെ സംസ്ഥാനത്തെ ആകെ മരണം 15,576 ആയി. 

സംസ്ഥാനത്തെ ആകെ രോഗികളുടെ എണ്ണം 4,41,228 ആണ്. 2,76,809 പേര്‍ക്കാണ് രോഗ മുക്തി. നിലവില്‍ 1,48,537 പേരാണ് ചികിത്സയിലുള്ളത്. പുനെയില്‍ മാത്രം 44,204 കേസുകളാണ് നിലവിലുള്ളത്. 

തമിഴ്‌നാട്ടില്‍ 24 മണിക്കൂറിനിടെ 5,875 പേര്‍ക്കാണ് കോവിഡ് 19 സ്ഥിരീകരിച്ചത്. 98 പേര്‍ മരിച്ചു. തമിഴ്‌നാട്ടിലെ ആകെ രോഗികളുടെ എണ്ണം 2,37,613 ആയി. ഇതില്‍ 1,96,483 പേര്‍ക്ക് രോഗ മുക്തരാണ്. നിലവില്‍ 56,998 പേരാണ് ചികിത്സയിലുള്ളത്. 98 പേര്‍ മരിച്ചതോടെ സംസ്ഥാനത്തെ ആകെ മരണം 4,132 ആയി.  

കര്‍ണാടകയില്‍ ഇന്ന് 5,532 പേര്‍ക്കാണ് രോഗബാധ. 84 പേരാണ് കര്‍ണാടകയില്‍ ഇന്ന് മരിച്ചത്. കര്‍ണാടകയിലെ ആകെ രോഗികളുടെ എണ്ണം 1,34,819 ആയി. 57,725 പേര്‍ക്ക് രോഗമുക്തി. 74,590 പേരാണ് നിലവില്‍ ചികിത്സയിലുള്ളത്. സംസ്ഥാനത്തെ ആകെ മരണം 2,496 ആയി.