ബെംഗളൂരു: കോവിഡ് വ്യാപനം അതിരൂക്ഷമായി തുടരുന്ന കര്‍ണാടകയില്‍ ഇന്ന് രോഗം സ്ഥിരീകരിച്ചത് 5,985പേര്‍ക്ക്. 107പേര്‍ മരിച്ചു. 1,780,87പേര്‍ക്കാണ് ഇതുവരെ രോഗം സ്ഥിരീകരിച്ചത്. 80,973പേരാണ് ചികിത്സയിലുള്ളത്. 93,908പേര്‍ രോഗമുക്തി നേടി. 3,198പേര്‍ മരിച്ചു. 

ഇന്ന് 1,948പേര്‍ക്കാണ് ബെംഗളൂരുവില്‍ മാത്രം രോഗം സ്ഥിരീകരിച്ചത്. 74,185പേര്‍ക്കാണ് ബെംഗളൂരില്‍ ഇതുവരെ കോവിഡ് ബാധിച്ചത്. 39,129പേര്‍ രോഗമുക്തരായി. 1240പേരാണ് ഇവിടെ മരിച്ചത്. 

അതേസമയം, കര്‍ണാടക ആരോഗ്യമന്ത്രി ബി ശ്രീരാമുലുവിന് കോവിഡ് 19 സ്ഥിരീകരിച്ചു. രോഗം സ്ഥിരീകരിച്ചത് അദ്ദേഹം തന്നെയാണ് ട്വിറ്ററില്‍ കൂടി അറിയിച്ചത്. തന്നോടൊപ്പം ഇടപഴകിയ എല്ലാവരോടും നിരീക്ഷണത്തില്‍ പോകാന്‍ അദ്ദേഹം ആവശ്യപ്പെട്ടു. നേരത്തെ കര്‍ണാടക മുഖ്യമന്ത്രി ബി എസ് യെദ്യൂരപ്പയ്ക്കും കോവിഡ് സ്ഥിരീകരിച്ചിരുന്നു.