ലഖ്‌നോ: രാജ്യമാകെ കോവിഡ് വ്യാപനത്തിന്റെ പശ്ചാത്തലത്തില്‍ രോഗം പകരാതിരിക്കാന്‍ ആകാവുന്ന അത്ര കരുതല്‍ വേണമെന്ന് സര്‍ക്കാര്‍ ജനങ്ങളോട് അഭ്യര്‍ത്ഥിക്കുകയാണ്. എന്നാല്‍ ഇതൊന്നും തങ്ങള്‍ അനുസരിക്കേണ്ടവരല്ലെന്ന രീതിയിലാണ് ചിലരുടെ പെരുമാറ്റം. കോവിഡ് പെരുമാറ്റച്ചട്ടം ലംഘിച്ചാല്‍ കേസെടുക്കുമെന്ന് പല തവണ പറഞ്ഞിട്ടും ആളുകള്‍ക്ക് മനസിലാവാതെ വന്നതോടെയാണ് പൊലീസ് ലാത്തിയുമായി തെരുവിലിറങ്ങിയത്.
ഉത്തര്‍പ്രദേശിലെ ബല്‍ത്താര റോഡിലാണ് പൊലീസ് നിയമം ലംഘിച്ചവര്‍ക്ക് നേരെ ലാത്തി വീശിയത്. മാര്‍ക്കറ്റില്‍ പലരും മാസ്്ക് ധരിച്ചില്ലെന്ന് മാത്രമല്ല സാമൂഹിക അകലവും പാലിച്ചില്ല. ഇരുചക്രവാഹനങ്ങളില്‍ പോലും മാസ്‌ക് ധരിക്കാതെ സഞ്ചരിച്ചവര്‍ക്കും പൊലീസില്‍ നിന്ന് അടികിട്ടി. കൂടാതെ കടകളില്‍ സാമൂഹിക അകലം പാലിക്കാത്തവരും പൊലീസിന്റെ അടിയുടെ ചൂട് അറിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ