ചെന്നൈ: കാമുകി ബന്ധം ഉപേക്ഷിച്ചതിന്റെ മനോവിഷമത്തില്‍ 27കാരന്‍ കഴുത്തുമുറിച്ച് ജീവനൊടുക്കി. ആറു വര്‍ഷം മുന്‍പ് കോളജില്‍ പഠിക്കുന്ന സമയത്താണ് യുവതിയെ പരിചയപ്പെട്ടത്. എന്നാല്‍ നാലുമാസം മുന്‍പാണ് ഇരുവരും പ്രണയത്തിലായതെന്ന് പൊലീസ് പറഞ്ഞു.
തമിഴ്‌നാട്ടിലെ കോയമ്പത്തൂര്‍ കാമാച്ചിപുരത്തിലാണ് സംഭവം. 27കാരനായ കാര്‍ത്തികേയനാണ് ജീവനൊടുക്കിയത്. സ്വകാര്യ കമ്പനിയില്‍ ജോലി ചെയ്യുന്ന കാര്‍ത്തികേയന്‍ കഴിഞ്ഞ മാസം മുതല്‍ ജോലിക്ക് എത്തിയിട്ടില്ല. യുവതി ബന്ധം ഉപേക്ഷിച്ചതില്‍ യുവാവ് കഴിഞ്ഞ കുറെ ദിവസങ്ങളിലായി വിഷാദത്തിലായിരുന്നുവെന്ന് പൊലീസ് പറയുന്നു.
എന്‍ജിനീയറിങ് ബിരുദ പഠനത്തിനിടെ ആറുവര്‍ഷം മുന്‍പാണ് യുവതിയെ കാര്‍ത്തികേയന്‍ പരിചയപ്പെടുന്നത്. എന്നാല്‍ കഴിഞ്ഞ നാലുമാസത്തിനിടെയാണ് ഇരുവരും പ്രണയത്തിലായത്. യുവതി ബന്ധം ഉപേക്ഷിച്ചതോടെ, ഉറക്കഗുളിക കഴിക്കുന്നത് യുവാവ് ശീലമാക്കി. വെള്ളിയാഴ്ച രാത്രി അച്ഛനും മുതിര്‍ന്ന സഹോദരനുമായി വഴക്കിട്ടു. ഇരുവരെയും കാര്‍ത്തികേയന്‍ മര്‍ദ്ദിച്ചതായി പൊലീസ് പറയുന്നു.
തര്‍ക്കത്തിന് പിന്നാലെ വീട്ടില്‍ നിന്ന് ഇറങ്ങിപ്പോയ കാര്‍ത്തികേയനെ ശനിയാഴ്ച രാവിലെയാണ് മരിച്ചനിലയില്‍ കണ്ടെത്തിയത്. ഷേവിങ് സെറ്റ് ഉപയോഗിച്ച് കഴുത്തുമുറിച്ചാണ് യുവാവ് ജീവനൊടുക്കിയതെന്ന് പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ