ന്യൂഡല്‍ഹി: രാജ്യത്ത് കോവിഡ് ബാധിച്ചവരുടെ എണ്ണം ഒരു കോടി കടന്നു. ഇന്ത്യയില്‍ ആദ്യ കോവിഡ് കേസ് റിപ്പോര്‍ട്ട് ചെയ്ത് 325 ദിവസങ്ങള്‍ കഴിയുമ്പോഴാണ് മൊത്തം രോഗികളുടെ എണ്ണം ഒരു കോടി കടക്കുന്നത്. 

കഴിഞ്ഞ 24 മണിക്കൂറിനിടെ 25,153 പേര്‍ക്കാണ് രോഗം സ്ഥിരീകരിച്ചത്. 

നിലവില്‍ 95,50,712 പേര്‍ക്കാണ് രോഗ മുക്തി. 1,45,136 പേര്‍ രോഗ ബാധിതരായി മരിച്ചു. 3,08,751 ആക്ടീവ് കേസുകളാണ് രാജ്യത്തുള്ളത്. 

കോവിഡ് ബാധിതരുടെ എണ്ണം ഒരു കോടി കടന്നതോടെ ആഗോളതലത്തില്‍ ഇന്ത്യ രണ്ടാം സ്ഥാനത്താണ്. കേന്ദ്ര ആരോഗ്യ മന്ത്രാലയമാണ് കണക്കുകള്‍ പുറത്തുവിട്ടത്.