ഭോപ്പാല്‍: ട്യൂഷന്‍ ടീച്ചര്‍ കുട്ടികളെ ലൈംഗികമായി പീഡിപ്പിച്ചതായി പരാതി. ആറും മൂന്നും വയസ്സുള്ള സഹോദരിമാരെയാണ് ട്യൂട്ടര്‍ ക്രൂരമായി പീഡിപ്പിച്ചത്. പെണ്‍കുട്ടികളുടെ സ്വകാര്യഭാഗങ്ങളില്‍ പെന്‍സില്‍ കുത്തിക്കയറ്റുകയും അത് വീഡിയോയില്‍ ചിത്രീകരിച്ച് കാമുകനും അയച്ചുകൊടുക്കുകയും ചെയ്തുവെന്നാണ് പരാതി.
സംഭവവുമായി ബന്ധപ്പെട്ട് പത്തൊന്‍പതുകാരിയായ ട്യൂട്ടറെയും കാമുകനെയും പൊലീസ് അറസ്റ്റ് ചെയ്തു. കുട്ടികളെ ക്രൂരമായി പീഡിപ്പിച്ച ഇവരെ മര്‍ദ്ദിച്ചശേഷമാണ് പെണ്‍കുട്ടികളുടെ ബന്ധുക്കള്‍ പൊലീസിന് കൈമാറിയത്. സംഭവവുമായി ബന്ധപ്പെട്ട് ഇവരുടെ പങ്ക് അന്വേഷിക്കുമെന്ന് പൊലീസ് പറഞ്ഞു.
ട്യൂഷന്‍ കഴിഞ്ഞ് വീട്ടിലെത്തിയ ശേഷം സ്വകാര്യഭാഗങ്ങളില്‍ വേദനയുണ്ടെന്ന കാര്യം കുട്ടികള്‍ രക്ഷിതാക്കളോട് പറയുകയായിരുന്നു. സ്വകാര്യഭാഗത്തെ മുറിവ് കണ്ടപ്പോള്‍ എങ്ങനെയാണ് പരിക്കേറ്റതെന്ന് അമ്മ ചോദിച്ചു. ട്യൂട്ടര്‍ ദീദി ചെയ്തതാണെന്നായിരുന്നു ഇളയകുട്ടിയുടെ മറുപടി. തുടര്‍ന്ന് മൂത്തകുട്ടിയും അമ്മയോട് ഇത് ആവര്‍ത്തിക്കുകയായിരുന്നു. കുട്ടികള്‍ വേദനയോടെ നിലവിളിച്ചപ്പോള്‍ ഇവരെ വസ്ത്രം ധരിപ്പിച്ച ശേഷം ട്യൂട്ടര്‍ ക്ലാസ് തുടരുകയായിരുന്നെന്ന് കുട്ടികള്‍ പൊലീസിനോട് പറഞ്ഞു.
സംഭവത്തിന് പിന്നാലെ പെണ്‍കുട്ടികളുടെ ബന്ധുക്കള്‍ അയല്‍വാസിയായ ട്യൂട്ടറുടെ വീട്ടിലെത്തി അവരെ മര്‍ദ്ദിച്ചതിന് ശേഷം പൊലീസിന് കൈമാറി. പോക്‌സോ വകുപ്പുള്‍പ്പെടെ പ്രകൃതിവിരുദ്ധ പിഡനത്തിനുള്ള കുറ്റങ്ങളാണ് ട്യൂട്ടറുടെ മേല്‍ ചുമത്തിയത്. അതേസമയം ട്യൂട്ടര്‍ ഈ വിഡിയോ കാമുകന് അയച്ച കൊടുത്തത് കണ്ട് പൊലിസും ഞെട്ടി. ട്യൂട്ടറുടെ കാമുകനും പീഡനത്തിന് ഇരയായി പെണ്‍കുട്ടികളുടെ അയല്‍വാസിയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ