ഭോപ്പാല്‍: കല്യാണത്തിന് തൊട്ടുമുന്‍പ് വധുവിനെ കുത്തിക്കൊന്നു. ബ്യൂട്ടി പാര്‍ലറില്‍ വച്ച് അക്രമി കഴുത്തില്‍ കുത്തുകയായിരുന്നു. പ്രതിയെ പിടികൂടാനുളള അന്വേഷണം ആരംഭിച്ചതായി പൊലീസ് അറിയിച്ചു.
മധ്യപ്രദേശിലെ രത്ത്‌ലം ജില്ലയില്‍ ഞായറാഴ്ച രാവിലെയാണ് നാടിനെ നടുക്കിയ സംഭവം ഉണ്ടായത്. കല്യാണത്തിന് തൊട്ടുമുന്‍പ് സഹോദരിയൊടൊപ്പം ബ്യൂട്ടി പാര്‍ലറില്‍ പോയ 34 കാരിയാണ് ദാരുണമായി മരിച്ചത്. ബ്യൂട്ടി പാര്‍ലറില്‍ പ്രവേശിച്ച അക്രമി കഴുത്തില്‍ കത്തി കുത്തിയിറക്കുകയായിരുന്നുവെന്ന് പൊലീസ് പറഞ്ഞു.
സിസിടിവി ദൃശ്യങ്ങളുടെ സഹായത്തോടെ പ്രതിയെ പിടികൂടാനുളള ശ്രമത്തിലാണ് പൊലീസ്. പെണ്‍കുട്ടിയുടെ രണ്ടാമത്തെ വിവാഹമായിരുന്നു. ഷാജാപൂര്‍ സ്വദേശിനിയാണ് 34കാരി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ