ഭോപ്പാല്‍: മധ്യപ്രദേശില്‍ ഇന്ത്യയിലെ തന്നെ ഏറ്റവും വലിപ്പമുളള പെരുമ്പാമ്പുകളില്‍ ഒന്നിനെ കണ്ടെത്തി. പ്രാദേശികമായി അറിയപ്പെടുന്ന അജ്ഗര്‍ ഇനത്തില്‍പ്പെട്ട പെരുമ്പാമ്പിനെയാണ് കണ്ടെത്തിയത്. ഇതിന്റെ ദൃശ്യങ്ങള്‍ വ്യാപകമായാണ് പ്രചരിക്കുന്നത്.

സുശാന്ത നന്ദ ഐഫ്എസാണ് ദൃശ്യങ്ങള്‍ പങ്കുവെച്ചത്. ഇന്ത്യന്‍ റോക്ക് പൈതണ്‍ എന്നറിയപ്പെടുന്ന പാമ്പിനെയാണ് മധ്യപ്രദേശില്‍ കണ്ടെത്തിയത്. പത്ത് അടിവരെ വളരാന്‍ കഴിയുന്നതാണ് അജ്ഗര്‍ ഇനത്തില്‍പ്പെട്ട പെരുമ്പാമ്പിനെന്ന് സുശാന്ത നന്ദ കുറിച്ചു.

പെരുമ്പാമ്പ് ഇഴഞ്ഞു നീങ്ങുന്നതാണ് ദൃശ്യങ്ങളില്‍ ഉളളത്. ദൃശ്യത്തിന്റെ അവസാനം തല ഒരാള്‍ക്ക് മുകളില്‍ വരെ ഉയര്‍ത്തുന്നത് ദൃശ്യങ്ങളില്‍ വ്യക്തമാണ്.