ചെന്നൈ: കോവിഡ് വ്യാപനം അതിരൂക്ഷമായി തുടരുന്ന തമിഴ്‌നാട്ടില്‍ ഇന്ന് 3,509പേര്‍ക്ക് രോഗം സ്ഥിരീകരിച്ചു. 45 മരണവും റിപ്പോര്‍ട്ട് ചെയ്തു. 70,977പേര്‍ക്കാണ് സംസ്ഥാനത്ത് ഇതുവരെ രോഗം സ്ഥിരീകരിച്ചത്. 911പേര്‍ മരിച്ചു. 30,064 പേര്‍ രോഗമുക്തരായി. കേരളത്തില്‍ നിന്നെത്തിയ 11പേര്‍ക്കും ഇന്ന് രോഗം സ്ഥിരീകരിച്ചിട്ടുണ്ട്.

കര്‍ണാടകയില്‍ ഇന്ന് 442പേര്‍ക്കാണ് കോവിഡ് സ്ഥിരീകരിച്ചത്. ആറുപേര്‍ മരിച്ചു. 10,560പേര്‍ക്കാണ് ആകെ രോഗം സ്ഥിരീകരിച്ചത്. 519പേര്‍ ഇന്ന് രോഗമുക്തരായി.

അതേസമയം, ഗുജറാത്തില്‍ 577പേര്‍ക്ക് കൂടി രോഗം സ്ഥിരീകരിച്ചു. 18 മരണവും റിപ്പോര്‍ട്ട് ചെയ്തിട്ടുണ്ട്. 29,578പേര്‍ക്കാണ് ഇതുവരെ രോഗം സ്ഥിരീകരിച്ചത്. 21,506പേര്‍ രോഗമുക്തരായപ്പോള്‍ 1,754പേര്‍ മരിച്ചു.